Glossariy atom

Nisbiy molekulyar massa – moddaning tabiiy izotoplar tarkibidagi molekulasi o’rtacha massasining uglerod atomi ¹²С massasining 1/12 qismi nisbatiga teng qiymatdir.

Neytron – zaryadsiz zarracha bo’lib, uning mssasi 1,0087 m.a.b. ga teng, yadro tarkibida bo’ladi.

Nodir gazlar – VIII guruhning asosiy guruhchasi elementlaridir.

Normal kontsentratsiya yoki normallik – erigan moddaning 1 litr eritmadagi ekvivalentlar soni bilan ifodalanishidir.

Noelektrolitlar – suvdagi eritmalari elektr oqimini o’tkazmaydigan moddalardir.

Neytral kamplekslar – markaziy ionning zaryadi bilan ligandlar zaryadlarining yig’indisi orasidagi ayirma nolga teng bo’lgan komplekslardir.

Nuklonlar – yadro tarkibidagi proton va neytronlarning umumiy nomidir. Bu ikki xil zarrachalar deyarli bir xil massaga ega bo’lib, u taxminan bir uglerod birligiga teng. Massalar soni nuklonlarning umumiy sonini, ya‘ni ayni element atom yadrosidagi proton va neytronlar sonini bildiradi.