Glossariy abiogenez

Mezozoy (grekchadan – mezos “o’rta”, zoy – “hayot”) erasi – unda mukammal tuzilgan o‘simlik va xayvonlar bo‘lgan. Indeksi Mz; ko‘k rang.
Migratsiya – kimyoviy elementlarning Yer po’sti yoki yuzasida bir joydan ikkinchi joyga (gidrotermal aralashmalar, gazlar yoki eritmalar bilan ko’chishga olib keladigan) ko’chish jarayoni. Ko’chish jarayonlari omillari fizik-kimyoviy va geologik sharoitlarga bog’liq bo’ladi.
Neft – yonuvchi moysimon suyuqlik. Qora yoki qo‘ng‘ir, ba’zan och malla rang yoki rangsiz, o‘ziga xos hidli kimyoviy xom ashyo. Neft yer yuzasiga chiqqach, quyilib qotadi va asfaltga aylanadi. Neftning zichligi 0,73 dan 1,04 gacha o‘zgarib turadi, qaynash harorati +20-100⁰ C va undan yuqori; qotish harorati (+23⁰)-(-60⁰C); issiqlik sig‘imi 1,7-2,1 KDJ (kg.j); 50⁰C haroratda neftning yopishqoqligi 0,002-0,55 sm²/s ga teng. U organik eritgichlarda yaxshi eriydi. Suvda umuman erimaydi. Lekin suv bilan emulsiya (bir-biriga singmaydigan ikki xil suyuqlik qorishmasi)hosil qiladi. Neft tarkibiga kiradigan asosiy kimyoviy elementlardan uglerod (82-87%) va vodorod (11-14%) ga ega. Neftning fizik xossasi uning tarkibiga bog‘liq. Solishtirma og‘irligi 0,65-g/sm³ dan 0,9 g/sm³gcha bo‘lgan neft yengil, undan yuqorisi og‘ir neft hisoblanadi. Neftning tarkibida uglevodorod 87% gacha, vodorod 10-15% gacha, kislorod 0,05-0,5 dan 5%gacha, juda oz miqdorda vanadiy, fosfor, kaliy, nikel, temir uchraydi
Neft favvorasi – erkin va erigan gazlar umumiy bosimining burg’ilash qudug’ini to’ldirib turgan eritma ustuni bosimidan oshib ketishidan quduqdan neftning kuchli otilib chiqishi.
Neftgaz provinsiyasi (NGP) – geologik tuzilishi va shakllanish tarixi, shuningdek neftgazning stratigrafik kengligi jihatidan umumiyligi bilan farqlanadigan turli geotuzilmalardan tarkib topgan yaxlit bir geologik hudud.
Neftgaz provinsiyalari kamari (tasmasi) – geologik jihatdan yagona bo‘lgan va bir yoshdagi burmachanlik hududida ajratilgan neftgaz provinsiyalari yig‘indisi.