Glossariy 1-mavzu. Marketing va uni rivojlanishining asosiy bosqichlari

Оддий бухгалтерия проводкаси - бунда, бир ҳисобварақ дебетланиб бошқа ҳисобварақнинг кредитланишига айтилади.
Оддий ҳужжатлар – бу ҳужжатларда фақат битта операция акс эттирилади. Бу ҳужжатларга: тўлов талабномаси, тўлов топшириқномаси, аккредитив очиш учун ариза, кирим ордери, пул чеки ва ҳ.к. лар киради.
Оддий ссуда ҳисобварағи - бунда ссуда бир маромда мижознинг ҳисобварағига ўтказилади ва шу ҳисобварақда фоизлар ҳисобланади ва тўланади.
Оддий сводкалаш - дейилганда, олинган маълумотларни гуруҳларга бўлмасдан, тўплам бўйича умумий якунларни чиқариш тушунилади. Масалан, берилган жами кредитларнинг (қисқа ва узоқ муддатли) миқдорини хисоблаб чиқишнинг ўзи кифоя. Шунинг ўзи оддий маълумотларни йиғиш бўлиб ҳисобланади.
Оилавий пластик карточка – бу шахсий карточка эгасининг ишончномаси асосида фойдаланувчига берилган карточкадир.
Очиқ бозордаги операциялар – бу пул бозорига таъсир кўрсатиш мақсадида қимматли қоғозларни Марказий банк томонидан сотиб олиш ва сотишдир.
Очиқ турдаги акция - эгаси ҳиссадорлик жамияти ҳиссадорларининг розилигисиз қўлдан қўлга ўтиши мумкин бўлган акцияларга айтилади.
Очиқ факторинг операциялари - факторинг компаниясининг битимдаги иштироки ҳақида қарздорни хабардор қилган ҳолда тўланмаган қарз талабномаларини бошқага ўтказиш.
Онкол ссудаси - биринчи талабга кўра қопланадиган қисқа муддатли қарз.
Оператив ҳисоб - маълум хўжалик жараёни ва операцияларини улар юз берган жойнинг ўзида кечиктирмай назорат қилиб боради. Хўжалик операцияларини амалга оширишда бу ҳисоб ёрдамида режалаштириладиган кўрсаткичлар билан ҳам сон, ҳам сифат жиҳатидан солиштирилади.
Оператив лизинг – бу шундай ижара муносабатларики, бунда лизинг объектлари (мулк) амортизация муддатидан камроқ муддатга ижарага олинади. Арендатор (ижарачи) мулкни ўз ихтиёрига маълум муддатга ёки бир ишлаб чиқариш даврига олади; одатда шартнома 5 йилга тузилади. Бу муддат тугаганидан сўнг ижарачи тўловни тўлашни тўхтатишга ва мулкни ижарага берган эгасига топширишга ҳақли, ёки шартномани янгитдан тиклаш, ёхуд шартномани тузиш вақтидаги келишилган баҳода лизинг объектини сотиб олиши мумкин.
Опцион – бу немисча «оптион» сўзидан олинган бўлиб, бу битимда иштирок этаётган томонларнинг бирига қимматли қоғозларнинг маълум бир миқдорини муайян вақт мобайнида белгиланган нархда сотиб олиш ёки контрагентга сотиш ҳуқуқини берувчи шартномадир. Контрагент эса, мукофот эвазига ушбу ҳуқуқни амалга ошириш мажбуриятини ўз зиммасига олади.