Glossariy 1-mavzu. Marketing va uni rivojlanishining asosiy bosqichlari

Миллий даромад - мамлакат иқтисодий ва ижтимоий ривожланишини белгилаб берувчи умумлашган муҳим кўрсаткич. Ялпи ички маҳсулотнинг бир қисмидан иборат. Ялпи ички маҳсулот қийматидан ишлаб чиқариш харажатларининг чегириб ташланган қисми. Мамлакатда йил давомида вужудга келган барча даромадлар йиғиндисидир.
Мискол – оғирлик ўлчови. Шарқ мамлакатларида қимматбаҳо буюмларнинг оғирлиги мискол билан ўлчанган. Бир мискол Афғонистонда - 4,6 г; Жазоирда – 4,27 г; Миср ва Суданда – 4,08 г; Туркияда - 4,81 г; Хоразмда – 4,55 г; Бухорода – 4,8-5 грамга тенг бўлган. Амир Темур даврида бир мискол 4,8 г. вазнда олтин тангага тенг бўлган. Бу оғирлик ўлчови Яқин Шарқда ҳозир ҳам ишлатилади.
Молиявий ҳисобот – ўзида шундай маълумотларни мужассам этадики, ушбу маълумотлардан нафақат банк (фирма, корхона) фаолиятига ички раҳбарлик қилишда фойдаланилади, балки четдан фойдаланувчиларга ҳам тегишли маълумотлар маълум қилинади.
Молиявий натижа - банкларда маълум ҳисобот даврида, маълум бир операция жараёнида ўзига қарашли маблағнинг ошиши ёки камайиши тушунилади.
Молиянинг функцияси - бу молия моҳиятининг хўжалик фаолиятидаги аниқ кўриниши, унинг ифодасидир.
Монометализм - бу пул тизимида мустақил унсур бўлиб, бунда битта металга барча товарлар қийматини ўзида акс эттирувчи умумий эквивалент роли берилади.
Молия бозори - бу жамиятдаги молиявий хизматлар кўрсатиш, хусусан, кредитлар беришдан иборат бўлган муносабатлардир. Молия бозори банкларда, фонд биржасида ва аукционларда ўтказилади.
Молиявий лизинг - ижарага олувчи шахснинг ижарага олинган асбоб-ускуналарни ишлатишдан кўрилган фойда улушини ҳамда амортизациянинг тўла қийматига тенг суммани лизинг компаниясига шартноманинг амал қилиш даври мобайнида тўланишини кўзда тутувчи ижара шартномаси. Бунда ижарага олувчи шахс шартноманинг амал қилиш муддати тугагандан кейин асбоб-ускуналарни қолдиқ қиймати бўйича сотиб олиш ҳуқуқини қўлга киритади.
Мониторинг - қандайдир объект ҳолатини ҳар томонлама баҳолаш ва унинг фаолияти самарадорлигини ошириш мақсадида махсус ташкил қилинган тизимли кузатув.
Монетар сиёсат - бу давлат сиёсати бўлиб, давлат иқтисодиётини амалдаги пул массасини тартибга солиш йўли билан ривожлантириш ва барқарорлаштиришдир.