Глоссарий

7.2. Бир чўмичли қурилиш экскаваторлари
Бир чўмичли экскаваторлар универсал, ярим универсал ва махсус (карьер, конларни очиш, туннел ва бошқ ) бўлади. Учтадан ортиқ иш алмашинувчи жихозга эга бўлган экскаваторлар универсал экскаваторлар дейилади. Икки ёки учта иш жихозига эга бўлган экскаваторлар ярим универсал экскаваторлар дейилади. Махсус экскаватор фақат бир турдаги жихоз билан ишлайди. Қурилишда чўмичининг ҳажми 0,65...2,5 м³ бўлган экскаваторлар кўп ишлатилади. Юриш қисмига кўра экскаваторлар қуйидаги турларга бўлинади.
гусеницали (чўмич ҳажми 0,4...16 м³), пневмоғилдиракли (0,4...0,65 м³), автомобиль ва трактор шассисига ўрнатилаган (0,15...0,4 м³).
Бурилиш қурилмасига кўра тўлиқ буриладиган 360⁰ ва тўлиқ бурилиши чекланган 180...270⁰ билан фарқланади. Тўлиқ бурилмайдиган платформага эга бўлган экскаваторлар трактор ва автомобиль шассисига ўрнатилган бўлади.
Бажариладиган иш турига кўра экскаваторлар қуйидаги иш жиҳозларига эга бўлади: тўғри куракли,тескари куракли,драглайн, грейфер, кранлардан кенг фойдаланилади. Кам ҳолларда копёр,тўнка ковлагич, пона-болға сифатида фойдаланилади. Ишчи жихозлар базовий машинага канатлар (эгилувчи осма) ва гидроцилиндрлар (қаттиқ осма) ёрдамида махкамланади. Тўғри куракли ва драглайн экскаваторларда бошқариш пўлат арқонлар ёрдамида амалга оширилади.Гидравлик экскаваторларда камҳолатларда тўғри курак,тескари курак ва грейфер қўлланилади.Тўғри куракли экскаваторлар ўзи турган сатхдан юқоридаги жинсларга ишлов беради. Тескари куракли экскаваторлар траншеялар,котлованлар қазишда фойдаланилади. Драглайн экскаваторлар катта радиусдаги қазиш имкониятига эга бўлиб, грунтни отвалга ёки кам ҳолларда транспорт воситасига юклаб беришга мўлжалланган.
Грейфер жихозлари сочилувчан ва кичик бўлакли материалларни юклаш ва бўшатиш, енгил грунтларда энсиз қудуқ ва котлованлар қазишда фойдаланилади.Кран жиҳози- чўмичининг сиғими 8 м³ гача бўлган экскаваторларга ўрнатилади. У ортиш -тушириш ва қурилиш-монтаж ишлари учун мўлжалланган.Коперлар- устун қозиқлар қоқиш учун мўлжалланган.
Бир чўмичли экскаваторларнинг иш унумдорлиги қуйидаги формула билан топилади: