Глоссарий Баланс ҳисоботи

Сотилган маҳсулотнинг таннархи: харидорга сотиладиган маҳсулот учун кетган тўғридан-тўғри ҳаражатлар. Маҳсулот нархи коммунал тўловлар, аренда каби бошқа сарфларни ўз ичига олмайди.
Кредит: қарз сўзининг синоними. Сиз ўз харидорингизга қарзга товар олишга рухсат бериб, кредит тавсия этишингиз мумкин.
Айланма маблағлар: фирма эгалик қиладиган ва бир йил давомида нақд пулга айлантирилиши мумкин ёки шу вақт оралиғида фирма операцияларига ишлатилиши мумкин бўлган қимматбаҳо ресурслар ёки мулк,. Одатда улар нақд пуллар, дебитор қарздорлик, олдиндан тўланган моддий- ишлаб чиқариш заҳира ва ҳаражатларидан иборат бўлади.
Қисқа муддатли мажбуриятлар: фирма томонидан бир йил давомида тўланадиган мавжуд маблағ. Одатда тўлов ҳисоблари, узоқ муддатли қарзлар, ссуда фоизлари ва дивидендлари киритилади.
Қарз: қарз, алоҳида шахслар, банклар, ташкилотлардан маълум вақтга қайтариб бериш шарти эвазига олинадиган маблағлар.
Амортизация: асосий ускуналарнинг эскиришини қопловчи ҳаражатлар. Амортизация - ҳисобчилик ёзуви бўлиб, нақд ҳаражатларни кўзда тутмайди.
Тўғри ҳаражатлар: барча ишлаб чиқариш ҳаражатлари. Унга хом ашё ва ишчи кучи киритилиши мумкин (агар иш ҳақи ишбай бўлса).
Жонли меҳнат: Товар ишлаб чиқаришга жалб этилган барча корхона ишчиларининг меҳнат қиймати.
Иқтисодий яроқлилик: Корхонанинг товар ёки хизматларни рақобатбардош нархда сотиш ва ҳаражат ҳамда қарз операцияларини ўсишини қоплаш, унинг эгаларини қўллаш мақсадида етарлича фойда ола билиш қобилияти.
Акция: акция бизнесга сарфланган маблағ. Акция ҳар кимнингбизнес иштирокидаги улуши, фойдадаги улуши ва уни бошқарувидаги вазифасини кўрсатади. Қўйилмалар қиймати фойдадан тўланганлиги сабабли, фирманинг ҳолатига қараб дастлабки қўйилма баҳоси жиддий ўсиши, тез камайиши ёки йўқотилиши мумкин. Акция суммаси ҳар қандай вақтда пассивлардан активларни айриш билан ҳисобланиши мумкин.
Иқтисодий мувофиқлик тахлили: бизнес-ғоянинг молиявий ва одам салоҳиятини ўрганиш жараёни;