Глоссарий atamalar Izoh O’zbek tilida Ingliz tilida Rus tilida

Талмуд 
– (иврит. «ламейд» - «ўрганиш» сўзидан) Тавротга ёзилган шарҳлар тўплами. 
Тафсир 
– (араб. «баён қилиш») Қуръон оятларига ўзига хос равишда маъно бериш. 
Терроризм 
- (фр. «қўрқитиш») ўз фикрини зўравонлик йўли билан бошқаларга ўтказиш. 
Бу йўлда суиқасд, қўпорувчилик каби усуллардан фойдаланилади. 
Тошкент ислом институти.
Имом ал–Бухорий номидаги Тошкент Ислом институти - 
олий диний ўқув юрти. 1970 йил ташкил этилган. 1971 йил октябрдан фаолятини бошлаган. 
Ўзбекистон мусулмонлар идораси тасарруфида. Динлар тарихи ва назариясини чуқур 
эгаллаган, ислом дини асосларини ўзлаштирган, араб тилида сўзлаша оладиган мутахассислар, 
имом хатиблар тайёрлайди.
Тошкент ислом университети
–
олий ўқув юрти. Ўзбекистон Республикаси Вазирлар 
Маҳкамаси ҳузурида Ўзбекистон Республикаси Президентинигн 1999 йил 7 апрелдаги 
Фармонига биноан ташкил этилган. 
Асосий вазифаси ва мақсади - ислом динига оид бой ва ноёб маънавий-маданий меросни 
чуқур ўрганиш, уни асраб-авайлаш, келажак авлодга етказиш, шу соҳада юқори малакали 
мутахассислар тайёрлаш.
Тотем 
– (Шимолий Америкадаги Ожибва қабиласининг тилида - «унинг уруғи») 
тотемизмда муқаддас саналадиган ўсимлик ва ҳайвон. 
Традиционализм 
– анъаначилик. Диндаги рационализмга қарши ўлароқ, нақл (тақлид) 
тамойилига асосланувчи оқим. 
Трипитака 
– (санскр. «уч сават») буддавийликнинг муқаддас китоби. 
Фанатизм 
– мутаассиблик. 
Фарз – 
ислом дини таълимотига кўра, инкор қилиб бўлмайдиган даражада қатъий далил 
билан бажарилиши талаб қилинган амалга айтилади. 
Фарзийлар 
– қадимий яҳудийликдаги оқим. 
Фаришта 
– нурдан яратилган, нафс ва хоҳишга эга бўлмаган, фақатгина унга худо 
томонидан буюрилган муайян вазифаларни оғишмай бажарадиган, инсонлар кўзига 
кўринмайдиган махлуқ.