Глоссарий акциядорлик жамияти

---

ГЛОССАРИЙ 
Акциядорлик жамияти - акциядорлар ва муассислар маблағи эвазига шаклланган капиталга эга 
бўлган ҳуқуқий шахс мақомига эга компания. Ишлаб чиқаришни ташкил қилишнинг маблағларни 
акция сотиш йўли билан жалб этишга асосланган шакли. 
Айланма ишлаб чиқариш фондлари – ишлаб чиқаришда фойдаланилувчи меҳнат предметлари 
(хом ашё, материаллар, ўров материаллари, таъмирлаш учун эҳтиёт қисмлар ва ҳоказо). Ҳар бир 
ишлаб чиқариш циклида тўлиқ сарфланади ҳамда корхонанинг айланма маблағлари ҳисобига сотиб 
олинади. 
Айланма маблағлар – ишлаб чиқариш заҳиралари, тугалланмаган ишлаб чиқариш, тайёр маҳсулот, 
янги маҳсулотни ўзлаштириш харажатлари, келгуси давр харажатларига сарфланувчи корхона 
маблағларининг пул шаклида ифодаланиши.  
Акция – акциядорлик жамияти томонидан чиқарилувчи ҳамда унинг эгаси, акциядорлик 
жамиятининг аъзосига жамиятни бошқариш ва фойдадан дивиденд олиш ҳуқуқини берувчи 
қимматбаҳо қоғоз. 
Акциядорлик капитали – акциядорлик жамиятининг асосий капитали, унинг ҳажми Низомда 
белгилаб берилади. Қарзга олинган маблағлар ва акция чиқариш ҳисобига шакллантирилади. 
Амортизация - асосий фондлар қийматини аста-секинлик билан улар ёрдамида ишлаб чиқарилувчи 
маҳсулот ёки хизматларга ўтказилиши; маблағларнинг мақсадли равишда жамғарилиши ва 
кейинчалик эскирган асосий фондларнинг ўрнини қоплашга ишлатилиши. 
Амортизация воситалари - корхона асосий фондларини сақлаш ва янгилаш учун махсус 
ажратилувчи молиявий воситалар. 
Амортизация фонди - асосий фондларни оддий ва кенгайтирилган тарзда такрор ишлаб чиқаришга 
мўлжалланган пул маблағлари.