Глобаллашув жараёнларида маънавий-аҳЛОҚий таҳдидларнинг намоён бўлиш хусусиятлари

Этномаданий жараёнларда толерантлик
Аннотация
Ислом динидаги бағрикенглик принциплари ҳамиша маънавий-маърифий омиллар билан уйғун ҳолда ривожланиб борган. Бугунги кунда бағрикенглик принципларини ислом динида намоён бўлиш хусусиятларини ўрганиш нафақат назарий балки, амалий характерга ҳам эгадир. Зеро, бу ислом динида бағрикенглик принципларининг устувор бўлган майлларни аниқлаш ва ижобий жараёнлар ривожини таъминлаш имконини беради. Дарҳақиқат, бугун ислом динининг ичида ҳам кескин қарама-қаршилик мавжудлигини кузатишимиз мумкин. Шу муносабат билан бор куч ва салоҳиятимизни сафарбар этган ҳолда, маърифатли, бағрикенг ислом динига мусулмонликни ниқоб қилиб олиб, унинг устидан ҳукмронлик қилишга уринаётган жангари, мутаассиб кучларга қарши курашишга ёрдам берадиган соғлом ғояни шакллантиришимиз зарур. Динлараро бағрикенглик ғоясининг бош мақсади эса Ўзбекистонда яшовчи турли дин вакилларининг ҳуқуқ ва эркинликларини ҳурмат қилиниши, ҳар бир инсоннинг истаган динига эътиқод қилиши ёки ҳеч қандай динга эътиқод қилмаслиги ташкил этади. Ҳозирда бу ғоя эзгулик йўлида нафақат диндорлар, балки жамиятнинг барча аъзолари ҳамкорлигини назарда тутади. Диний бағрикенглик тинчлик ва барқарорликни мустаҳкамлаш йўлида, озод ва обод Ватан қуришнинг муҳим шартларидан биридир. Диний бағрикенгликка амал қилмаслик яхши натижаларни келтириб чиқармайди. Масалан, у диний фанатизмни келтириб чиқаради. Фанатизм ўйлаганингда кишини титратиб юборадиган қабиҳликларнинг барча турини бемалол амалга оширишига туртки берадиган вайронкор ғоя сифатида намоён бўлади. Шунингдек, диний ақидаларнинг мутлақлаштирилиши ҳам бағрикенглик принципларини бузилишига олиб келади. Ҳозирги кунда мамлакатимизнинг бозор муносабатларига ўтиш жараёнида вужудга келган иқтисодий ва ижтимоий муаммоларни вазминлик, собитқадамлик билан ҳал қилиш учун ҳам бағрикенглик принципларига амал қилиш талаб этилади. Шунингдек, миллатимизга хос бағрикенглик принципи бошқа миллат ёки элатнинг ўз урфи-одати, маросими бўлишини тан олишни, бошқа анъаналарга тоқатли бўлишни ҳам тақозо этади.