Global iqtisodiy rivojlanish

6.2-jadval
Jahon yalpi mahsuloti va xalqaro savdo hajmining o‘sish sur’atlari⁹⁴, %

Ko‘rsatkichlar	2000	2005	2010	2015	2020*
Jahon yalpi mahsuloti	5,2	5,3	-0,9	2,4	2,5
Xalqaro savdo	12,4	12,5	-17,3	-10,2	4,2
Xalqaro savdoning jahon yalpi mahsuloti o‘sishiga nisbati	23,8	26,4	25,7	27,8	30,2

Mamlakatlar ichki ishlab chiqarishning jahon bozoriga yo‘naltirilganlik darajasi bo‘yicha keng farqlanadi. globallashuv ta’siri ostida ularning ko‘pchiligida bu daraja ko‘paymoqda. 100 yil (1890-1990 yillar) ichida tovarlar eksporti va YaIMning o‘zaro nisbati Germaniyada 15,9 % dan 24,0 % gacha, Fransiyada – 14,2 % dan 17,1 % gacha, Italiyada – 9,7 % dan 15,9 % gacha, Yaponiyada – 5,1 % dan 8,4 % gacha, AQShda – 5,6 % dan 8,0 % gacha oshgan. Lekin, masalan, Angliyada – Britaniya imperiyasining tarqalib ketishi sababli ushbu daraja – 27,3 % dan 20,6 % gacha kamaygan. Agar bu ko‘rsatkichlar faqat tovar eksportiga tegishli bo‘lsa, quyidagi ma’lumotlar ayrim mamlakatlar YaIMda tovarlar va xizmatlar eksportining ulushini aks ettiradi (6.3-jadval).