Global iqtisodiy rivojlanish

8.9-jadval.
O‘zbekiston hududlariga xorijdan pul o‘tkazmalarining umumiy daromaddagi ulushi

№	Hududlar	Xorijdan pul o‘tkazmalarining umumiy daromaddagi ulushi, %
1.	Xorazm viloyati	23,2
2.	Samarqand viloyati	19,3
3.	Andijon viloyati	19,0
4.	Surxondaryo viloyati	17,4
5.	Buxoro viloyati	16,9
6.	Namangan viloyati	16,5
7.	Farg`ona viloyati	15,3
8.	Qoraqalpog`iston Respublikasi	14,8
9.	Qashqadaryo viloyati	14,3
10.	Toshkent shahri	12,0
11.	Sirdaryo viloyati	10,0
12.	Jizzax viloyati	6,2
13.	Toshkent viloyati	5,4
14.	Navoiy viloyati	5,1

So‘nggi 5 yilda ish topish maqsadidagi migratsiya geografiyasi o‘zgara boshladi. Ishchilar oqimi AQSh, Turkiya, Isroil, Janubiy Koreya, BAA va Qozog‘istonga tobora o‘sib borayotgani kuzatilmoqda (8.10-jadval).
Quyidagi rasmdan ko‘rinib turganidek, qariyb 95 foiz pul o‘tkazmalari mehnat migratsiyasining “kuchli yettilik”ka kiruvchi mamlakatlaridan jo‘natilgan.
Ish topish maqsadida Rossiyaga ketayotgan o‘zbekistonliklar soni yiliga 850 ming – 1 million kishi bo‘lib turgan paytda boshqa mamlakatlarga ketayotgan mehnat migrantlari soni tobora oshib bormoqda. 2018 yilda Rossiyadan yuborilgan pul mablag‘lari 2 foizga kamaygan bo‘lsa, qolgan mamlakatlardan jo‘natilgan o‘tkazmalar ulushi ortdi.
2018 yilda Qozog‘istonga safari maqsadini “ish” deb ko‘rsatgan o‘zbekistonliklar statistikasi bundan mustasno. Davlat statistika qo‘mitasining ma’lumotlariga ko‘ra, bunday migrantlar 3,5 million kishini tashkil etadi. Aftidan, bu fuqarolarning ko‘pchiligi Qozog‘istonga boshqa maqsadda chiqqan. U yerga borgan mehnat migrantlarining haqiqiy soni bundan ancha kam. Qozog‘istondan O‘zbekistonga jo‘natilgan pul o‘tkazmalari miqdorining 2017 yilga nisbatan 28 foiz oshganiga qaraganda, 2018 yilda Qozog‘istonga ketgan mehnat migrantlari sonini 650 ming – 800 ming nafar deb taxmin qilsa bo‘ladi. AQSh va Turkiyaga ish topish maqsadida ketgan o‘zbekistonliklar soni ham amalda bir oz kamroq bo‘lishi mumkin. Biroq 2018 yilda ushbu mamlakatlardan jo‘natilgan pul o‘tkazmalari 30 foizga oshdi.