Glikozidlar

Purpureaglikozid A (R-H), B (R-OH)

Lantozid A (R₁-R₂-H); Lantozid B (R₁-OH, R₂-H);

Bahorgi adonis (Adonidis vernalis)

Bahorgi adonis (Adonidis vernalis) ayiqtovondoshlar (Ranunculaceae) oilasiga kiradi.
Bahorgi adonis ko’p yillik kalta va ko’p boshli ildizpoyali o’t o’simlik. Poyasi bir nechta, tik o’suvchi, shoxlanmagan yoki kam shoxli, serbarg bo’yi
5 - 20 sm, gullab bo’lgandan so’ng 40 sm ga etadi. Bargi oddiy, panjasimon 5 bo’lakka ajralgan, poyada bandsiz o’rnashgan. Guli yakka - yakka joylashgan.
M evasi ko’p yong’oqli to’p meva. Aprel - may oyida gullaydi, mevasi iyunda etiladi.
Geografik tarqalishi. Bu o’simlik qora tuproqli yerlarda o’sadi. Sibir, SHimoliy
Kavkaz, Volga bo’yi, Kemerova, CHelyabinsk, Boshqirdistonda, Ukrainada o’sadi.
Mahsulot tayyorlash. Er ustki qismi gullagandan boshlab terilaveradi (o’rib olinadi) va 50 - 60 da quritiladi.
Mahsulotni tashqi ko’rinishi. Tayyor mahsulot o’simlikning poyasi, bargi, guli va meva aralashmalaridan iborat. Poyaning uzunligi 10 - 30 sm. Bargi panjasimon 5 ga ajralgan, shundan 2 tasi pastkisi kalta, qolgan 3 tasi bir - biriga teng, pastki ikkitasi patsimon, 3 tasi esa qo’shaloq patsimon ajralgan. Barg bo’lakchalari ipsimon, tekis qirrali, uzunligi 1 - 2 sm, eni 0,5 - 1 mm. Guli yirik, d = 3,5 sm. Kosacha bargi 5 - 8 sm, tojbargi 10 - 20 ta tilla rangda. Mevasi ko’p yong’oqli (30 - 40 ta) bo’lib, umumiy ko’rinishi cho’ziq -sharsimon uzunligi 20 mm. Yong’oqchaning uzunligi 4 - 5 mm, teskari tuxumsimon shaklda.
Mahsulotning mikroskopik tuzilishi. Bargning epidermis hujayra devorlari egri bugri bo’lib, bargning asos qismini epidermis hujayra devorlari tasbexsimon tuzilgan. Ustitsalar faqat bargning pastki tomonida, kutikula bilan qoplangan.
Tuklari siyrak. Ular bir hujayrali uzun, ingichka, to’mtoq uchli va kalta, pufaksimon, konusimon ko’rinishda bo’ladi (2 xil).