Gistologiya, stitologiya va

Mikroblami parchalash jarayonida neytrofillarning o ‘zi ham 
nobud bo‘ladi. Neytrofillarning yemirilishi tufayli pirogen, ya’ni 
haroratni ko‘taruvchi moddalar hosil boiadi. Yallig'Ianish 
o ‘choqlarida nobud bo'lgan neytrofillar yemirilgan mikroblar va 
to'qima tuzilmalari bilan birgalikda yiringni asosiy qismini tashkil 
etadi. Neytrofillarning yashash muddati o'rta hisobda 10,2 sutkaga 
teng bo'lib, shundan 4 sutkasi suyak ko'migida o'tadi. Neytrofillar 
periferik qonda oz muddat (8-24 soat) bo'ladi. To'qimaga 
tushgach, ular qaytib tomirlarga o'tmaydi, to'qimalarda o'z 
vazifalarini ado etgach, yemiriladi. Neytrofillar miqdorining 
ko'payib ketishi - neytrofilyoz turli xil yallig'Ianish reaksiyalarida 
kuzatiladi. Bunday hollarda ko'pincha tayoqcha yadroli va yosh 
neytrofillar protsent miqdoriniig ko'payishi, ya’ni leykotsitar 
formulaning chapga siljishi qayd etiladi.
Eozinofil leykotsitlar yoki eozinofillar
. Ular neytrofillarga 
nisbatan bir muncha yirikroq bo'lib, diametri qonda 10—11 mkm, 
qon surtmasida esa 12-15 mkm ga teng. Eozinofillar fiziologik 
holatda leykotsitlar umumiy miqdorining 2-5% ini tashkil etadi. 
Eozinofillar yadrosi, neitrofillarnikiga o'xshash tuzilgan bo'lib, 
alohida bo'laklardan (segmentlardan) iborat. Bo'laklar soni 
eozinofillarda asosan 2 ta bo'lib, 3 yoki undan ko'p segmentli 
yadro saqlovchi eozinofillar juda kam uchraydi. Eozinofillarni 
boshqa leykotsitlardan ajratib turuvchi asosiy xususiyati ular 
sitoplazmasida joylashgan maxsus donachalaming o'ziga xos 
tuzilishidir. Eozinofil donachalari ikki turli bo'lib, birinchisi 
yumaloq yoki oval shaklga ega va neytrofillarnikiga nisbatan 
yirikroqdir (diametri 0,3-1,5 mkm). Ular ko'p miqdorda bo'lib,