Гистология цитология ва эмбриология проф. Қ. Р. Тўхтаев таҳрири остида

Уруғдоннинг ѐшга қараб ўзгариши. 
Янги туғилган болалар 
уруғдонининг оғирлиги 800 мг га тенг бўлиб, бўлакларга бўлинганлиги яққол 
кўриниб туради. Уруғдонлар бу даврда сийрак толали шаклланмаган 
бириктирувчи тўқимали стромада ѐтувчи унча эгри-бугри бўлмаган, баъзан 
бир-бирларига тегиб ѐтувчи уруғ каналчаларидан иборатдир. Уруғ 
каналчалари тор, бўшлиғи деярли кўринмай, баъзан канал ҳужайралари уни 
тўла бекитиб қўяди. Канал ҳужайралари етилмаган Сертоли ҳужайралари, 
сперматогонийлар ва бирламчи гоноцитлардан иборат. 
Эркаклар жинсий системасининг бола туғилгандан сўнгги 
тараққиѐтининг
биринчи тўрт йили статик давр
деб номланади. Бу даврда 
уруғ каналчалари кичик ўлчамга эга бўлиб, озгина эгри-бугридир. 
Ҳужайралар эса бир қават бўлиб. ѐтади. Уруғдоннинг махсус функцияси 
кузатилмайди. 
4ѐшдан 10ѐшгача давр уруғдон постнатал тараққиѐтининг 
иккинчи 
давридир
. Бу давр ичида каналларда сперматогоний ва биринчи тартибли 
сперматоцитларни учратиш мумкин. Интерстицийда Лейдиг ҳужайраларига 
асос бўлиб ҳужайралар пайдо бўлиб, дифференциаллаша бошлайди. 
Ҳужайралар ўлчамларининг ошиши, жинсий ҳужайралар сонининг 
кўпайиши, I тартибли сперматоцитларнинг пайдо бўлиши, таянч 
ҳужайранинг дифференцировкаси бу даврни боланинг организмида жинсий 
сифатларнинг пайдо бўлиш даври дейишга асос беради. 
Учинчи давр 
10 ѐшдан 12-16 ѐшгача бўлиб, тараққиѐт даври деб 
номланади. Морфометрик кузатишлар уруғдониинг бу даврида интенсив 
ўсишини тасдиқлайди. Ҳужайралар катталашади ва сони ошади. Айниқса, 
Сертоли ҳужайралари сезиларли даражада ўзгаради. Уларнинг ядроси 
катталашади, I-II тартибли сперматоцитлар кўпаяди. Баъзан сперматидлар 
ҳам учрайди. 12-14 ѐшларда каналда етарли даражада сперматоцитлар 
бўлади. Бу даврда уруғ чиқарув йўлларининг тараққиѐти ҳам сезиларли 
даражада бўлади. Уруғдон ортиғи морфологик жиҳатдан катта ѐшдаги 
одамларнипг уруғдон ортиғидан фарқ қилмайди. 

---

Сперматогенезнинг мунтазам рўй бериши уруғдон тараққиѐтининг 
тўртинчи даври ҳисобланади. Сперматоген эпителийнинг барча ҳужайралари 
ҳамда сперматозоидларнинг каналларда учраши бу даврнинг муҳим 
морфологик белгисидир. 
18-20 ѐшдан бошлаб актив сперматогенез даври бошланади. Юқори 
функционал актив ҳолат 50-55 ѐшларгача давом этади. 50 ѐшдан 80 ѐшгача 
уруғдонда атрофик, дистрофик ва некробиотик характердаги жараѐнлар 
ривожланиб боради. Бу ўзгаришлар 
инволюция
деб номланади. Бу эса 
сперматогенезнинг сусайиши ва бириктирувчи тўқиманинг ўсиб кетиши 
билан характерланади. Уруғ каналчаларининг ичи бўшаб қолади. Аммо 
шунга қарамасдан 80 ѐшларда ҳам сперматогенез рўй берадиган каналчалар 
учрайди.