Гистология цитология ва эмбриология проф. Қ. Р. Тўхтаев таҳрири остида

Шаклланиш даври
. Сперматидалар унча йирик бўлмаган ядроли 
юмалоқ ҳужайралардир. Ядро атрофида пластинкасимон комплекснинг 
зичлашган зонаси, центросома ва майда митохондриялар жойлашади. 
Сперматидларнинг қайта тузилиш жараѐни пластинкасимон комплекс 
зонасида ядро юзасига тегиб турган зичлашган гранула пайдо бўлишидан 
бошланади. Бу акробластдир. Кейинчалик акробластнинг ўлчамлари 
катталашиб, ғилоф сифатида ядрони қоплайди, акробластнинг ўртасида эса 
зичлашган танача — акросома дифференциаллашади. 
Шаклланаѐтган сперматид ўз акросомаси билан, одатда, таянч 
Сертоли ҳужайрасининг апикал юзасига қараб туради. Бунда сперматиднинг 
қарама-қарши четига, уруғ канали ичига қараган томонга икки центриоладан 
иборат центросома сурилади. Центросоманинг центродесмози ядро юзасига 
перпендикуляр ҳолда жойлашади. Бундан кейинги ўзгаришлар натижасида 
проксимал центриола ядро қобиғига тегиб ѐтади, дистал жойлашгани эса 
иккига бўлинади. Дистал центриоланинг олд қисмидан хивич шаклланади, 
сўнгра у сперматозоид думининг ўқ ипига айланади. Дистал центриоланинг 
орқа ярмиси айлана ҳосил қилади. Бу ҳалқача хивчин бўйлаб сурилиб, 
сперматозоиднинг ўрта қисмининг орқа чегарасини ҳосил қилади. 
Сперматиднинг тараққиѐт жараѐнида унинг ядроси аста-секин 
зичлашади ва хроматин гомоген зич масса кўринишини олади. Дум 
қисмининг ўсиши билан сперматиднинг цитоплазмаси ядро атрофидан 
сирғалиб, шаклланаѐтган сперматозоиднинг ўрта қисмига сурилади. 
Митохондриялар хивчинчанинг проксимал қисми ѐнида жойлашади. 
Сперматид цитоплазмаси, сперматозоидга айланаѐтгандаредукцияга учрайди. 
Сперматоген 
эпителий 
турли 
таъсирларгаўта 
сезгирдир. 
Интоксикация, авитаминоз, очлик, айниқса, радиация нури таъсирида 
сперматогенез жараѐнинг сусайиши ва ҳатто тўхтаб, сперматоген эпителий 
атрофияга учраши мумкин. 
Эндокрин 
фаолияти
. 
Уруғдонда 
тестостерон, 
фоллитропин 
секрециясини сусайтирувчи ингибин ва сперматогонийларнинг кўпайишини 
стимулловчи омил ишлаб чиқарилади.

---

Эгри-бугри уруғ найлари орасидаги сийрак бириктирувчи тўқимада 
жойлашган қон томирлари атрофида интерстициал (Лейдиг, гландулоцитлар) 
ҳужайралари жойлашади. Мазкур ҳужайралар йирик, юмалоқ ѐки кўп 
қиррали бўлиб, цитоплазмасида Голжи комплекси, силлиқ ЭПТ, 
митохондриялар, шунингдек липид ва гликоген киритмалари, кристаллоид 
тузилмалар тутади. Ёш ошиб борган сари ҳужайра цитоплазмасида пигмент 
киритмалари тўплана боради. Лейдиг ҳужайралари мезенхимадан тараққий 
этади ва эркаклар жинсий гормони (тестостерон) ишлаб чиқаради. 
Тестостерон гормони сперматогенез жараѐнининг охирги даврларига таъсир 
кўрсатади. Фоллитропин синтезини пасайтирувчи ингибинлар оқиш 
сустентоцитлар, сперматогонийларнинг кўпайишини стимулловчи омил эса
қорамтир сустентоцитлар томонидан ишлаб чиқарилади. Уруғдоннинг 
фаолияти гипофиз безининг олдинги бўлагидан ажралувчи гонадотроп 
гормонлар таъсирига боғлиқ.