Гистология цитология ва эмбриология проф. Қ. Р. Тўхтаев таҳрири остида

мембранасиз органеллалар
– 
протеасомалар
ѐрдамида бартараф қилинади. Протеасомалар ўзида 
нолизосомал протеиназа ферментлари сақловчи мембранасиз оқсил 
комплексларидир. Улар оқсил деградацияси жараѐнида махсус полипептид – 
убиквитин
билан ҳамкорликда фаолият кўрсатади. Убиквитин организмнинг 
барча ҳужайраларида (лот.ubique – ҳамма жойда) бўлиб, унинг асосий 
вазифаси ҳужайрага ортиқ кераксиз ѐки у учун зарарли бўлган оқсилларни 
нишонлаб беришдир. Убиквитин билан нишонланган оқсил молекулалари 
осонгина таниб олинади ва протеасома ферментлари ѐрдамида парчаланади. 
Ҳосил бўлган аминокислоталар қайтадан янги оқсиллар синтези учун 
ишлатилиши мумкин. Лизосомалардан фарқли ўлароқ, протеасома-
убиквитин тизими оқсилларга алоҳида олинган молекулалар даражасида 
таъсир кўрсатади, лизосомалар эса йирик массаларни (масалан, 
вируслар,бактериялар) парчалайди. Протеасомалар ҳужайрада кечадиган 
муҳим жараѐнларни, жумладан, ҳужайра циклини, цитокинлар ишлаб 
чиқаришни, ангиогенезни бошқаришда иштирок этади. Улар шикастланган 
ва ўсма мутант оқсилларни йўқ қилади. 
Цитоскелет 
Цитоплазманинг 
цитоскелети
 
мураккаб тўр бўлиб, микронайчалар, 
микрофиламентлар (актин филаментлар) ва оралиқ филаментлардан иборат 
(расм 2.9). 
Расм 2.9. Цитоскелет ва унинг таркибий компонентларининг схематик 
кўриниши. 

---

Цитоскелет таркибига кирувчи оқсиллар ҳужайранинг шаклини ушлаб 
туриш, органеллалар ва цитоплазматик пуфакчаларнинг харакатида муҳим 
рол ўйнайди. Цитоскелет компонентлари ўзига хос тўр ҳосил қилиб, 
цитоплазманинг таянч каркасини ҳосил қилади, цитозолда оқим ҳаракати ва 
умуман ҳужайра харакатини, ҳужайра бўлиниш даврида эса хромосомаларни 
бир текис тақсимланишини таъминлайди.