Гипоталамо-гипофизар тизим касалликлари: Нормада ва патологияда

Вазопрессин (антидиуретик гормон - АДГ)
- 9 та аминокислотадан иборат оқсил. АДГ 
нинг V
2
-рецепторлари буйрак дистал эгри каналчаларида жойлашиб, уларнинг активлашиши, сув 
реабсорбциясининг кучайишига олиб келади. Юқори концентрацияларда АДГ қон томир 
деворларида жойлашган V
1
- регуляторларини ҳам фаоллаштириш хусусиятига эга, бу эса қон 
томирлар торайишига олиб келади. 
Физиологик шароитларда АДГ секрецияси гипоталамуснинг осморецепторлари 
томонидан бошқариб турилади. Плазма гиперосмолярлиги АДГ секрециясини кучайтиради. 
Билвосита стимуляторлари бўлиб гиповолемия ва артериал гипотензия хизмат қилади. АДГ 
хотира консолидациясига ва сақланган маълумотлар мобилизациясига мусбат таъсир кўрсатади. 
Окситоцин
- гипоталамуснинг паравентрикуляр ва кам миқдорда супраоптик ядроларида 
ишлаб чиқарилади. 9 та аминокислотадан иборат. Окситоцин бачадон силлиқ мушакларини 
қисқаришга олиб келади. Шу сабабли, унинг туғруқ фаолиятида ва туғруқдан кейинги бачадон 
қисқаришида аҳамияти катта. Сут безлари альвеолаларининг миоэпителиал ҳужайралари 
қисқаришини стимуллаб, окситоцин сут йўлларига сут келишини таъминлайди. Окситоцин 
секрециясига эстрогенлар стимулловчи, алкоголь эса сусайтирувчи таъсир кўрсатади. 
ГГС касалликлари 
Акромегалия 
Акромегалия ва гигантизм
- нейроэндокрин синдром бўлиб, ўсиш гормонининг ортиқча 
секрецияси ёки биологик активлигининг ошиши натижасида келиб чиқади. 
Бу 2 та касалликни ягона патологик жараённинг ёшга оид турли вариантлари деб қараш 
керак. 

---

Ўсиши якунланаётган болалар ва ўсмирларда ўсиш гормони (ЎГ) нинг сурункали 
гиперпродукцияси гигантизм билан намоён бўлади. Бу суякларнинг пропорционал, эпифизар ва 
периостал ўсиши, юмшоқ тўқималар ва органларнинг катталашиши физиологик чегаралардан
ортиши билан характерланади. 
Катталарда акромегалия - скелет суякларининг диспропорционал периостал ўсиши, ички 
органлар вазнининг ортиши ва модда алмашинувининг бузилиши билан кузатилади.
Акромегалия мустақил касаллик сифатида 1886 йилда биринчи марта Пьер Мари томонидан 
ёзилган.