Гипертония ва гипотония холатларни патофизиологик асослари режа: Гипер ва гипотония ҳақида тушунча

Артериал гипертензияни моделлаштириш
Инсоннинг бирорта бошқа касаллигини, артериал гипертензияга ўхшаш кўплаб моделлари йўқ. Ҳозирги кунда артериал гипертензияни сичқон, каламуш, қуён, мушук, ит, чўчқа ва маймунларда моделлаштирилади ва улар бир неча гурухларга бўлинади.

1. 
   МНТ функциясини бузилиши.
   

а) юқори ривожланган ҳайвонлар (ит, маймун) бош миясида қўзғалиш ва тормозланиш жараёнларини уриштириш орқали невроз чақириш мумкин. М: ҳазм ва овқатланиш, б) ҳайвонларда зоосоциал конфликт (маймун) чақириш орқали, психоэмоционал ҳолатни моделлаштириш, в) бош мияни лимбик тизимига электрик ва химик стимуллар бериш.

2. 
   Бош мияда қон ва лимфа айланишни бузилиши.
   

а) узоқ ва кучли артериал гипертензия, уйқу артерияси ва унинг тармоқларини қирқиб қўйилганда юзага чиқади. Бундай артериал гипертензияни, марказий ишемик гипертензия дейилади. Бу холат, пўстлоқ ва пўстлоқ ости тузилмаларда, қон томирлар тонусини бошқарувчи марказларнинг функционал холатини бузилишидан келиб чиқади.
б) мияча цистернасига коалин юбориб, периневрол ва периваскуляр лимфатик йўлларни блокадалаб, артериал гипертензияни моделлаштириш мумкин. Ушбу артериал гипертензияни генезида бош мия чаноғида босимнинг ортиши ва тотал ишемиялар ётади.
III. Депрессор регулятор тизимлар фаолиятини бузилиши.
а) қуён ва итларда депрессор ва синус нервларни қирқиб қўйиш натижасида, рефлексоген зоналарда, яъни аорта равоғи ва каротид синусидаги барорецепторлардан келаётган тормозловчи таъсир йўқотилади, оқибатда рефлексоген гипертензия келиб чиқади.
б) индометацин ёрдамида простагландинларни синтезини бузиш орқали, артериал гипертензияни чақириш мумкин.
IV. Буйрак функцияларини бузилиши.
а) иккала буйрак артерияларни қисиш ёки битта буйрак артериясини қисиб, иккинчи буйракни бутунлай олиб ташлаб, реноваскуляр артериал гипертензияни чақириш мумкин. Ушбу моделда артериал гипертензияни келиб чиқишида ренин-ангиотензин тизимни активлашуви ётади.
б) ҳайвоннинг иккала буйракигини олиб ташлаб, уремияни олдини олиш учун гемодиализга ўтказилса, реноприв артериал гипертензия келиб чиқади. Унинг ривожланишини буйракнингдепрессор функциясини йўқлиги билан тушунтирилади.
в) буйракни целофан пакет билан боғлаш, бунда перинефрит келиб чиқади. Буйрак паренхимасини эзилишидан буйрак гипоксияси ва веноз димланиш кузатилади, бунинг натижасида ренин-ангиотензин тизим фаоллашади.