Гипертония ва гипотония холатларни патофизиологик асослари режа: Гипер ва гипотония ҳақида тушунча

МАЪРУЗА №


ГИПЕРТОНИЯ ВА ГИПОТОНИЯ ХОЛАТЛАРНИ
ПАТОФИЗИОЛОГИК АСОСЛАРИ


РЕЖА:
1.Гипер ва гипотония ҳақида тушунча
2.Нерв механизмлар регуляциясини бузилишидан қон томирлар тонусини ўзгариши
3.Қон томирлар тонусини бошқаришда рефлектор механизмлар бузилганда ўзгариши
4.Қон томирлар тонусини гормонал механизмлар регуляциясини бузилганда ўзгариши
5.Артериал гипертензияни этиология ва патогенези
6.Артериал гипертензия келиб чиқишида нерв омили
7.Артериал гипертензия келиб чиқишида буйрак омили
8.Артериал гипотензия ҳақида тушунча

Қон томирлар девори тонусини ўзгариши, унинг идора этилишини бузилишидан келиб чиқади, гоҳ қон томирларда артериал босимни ортишига, гоҳ эса камайишига олиб келади. Томирлар тонусини идора этилишида организмни турли звенолари иштирок этади. МНТ, ички секреция безлари, буйраклар ва бошқалар иштирокида кетади.

Резистив қон томирларни функциясини бузилиши, периферик қаршиликни ўзгариши билан боғлиқ холда ўзгаради.
Артериал босимни ортиши, организмнинг прессор тизимини активлашуви натижасида юзага келса, артериал гипотония эса, депрессор тизимни фаолияти билан боғлиқ бўлади.
Прессор тизимга: а) симпатоадренал тизим, б) ренин-ангиотензин тизим, в) альдостерон-вазопрессин тизим, г) глюкокортикоидлар киради.
Депрессор тизим: а) аорта равоғи ва каротид синуси барорецепторларидан бошланувчи рефлекслар, б) простагландинлар А, Е, J, в) калликреин-кинин тизим, г) бўлмачани натрийуретик гормонлари ташкил қилади.
Артериал гипертензияни бирламчи ва иккиламчи турлари тафовутланади.
Бирламчи артериал гипертензия, бирор орган ва тизимларда учрайдиган касаллик ёки патологик жараёнлар билан боғлиқ бўлмаган тарзда юзага келади. Ушбу артериал гипертензияни сабаблари аниқ эмас. Турли давлатларда артериал гипертензиянинг ушбу формасини “идиопатик” “эссенциал гипертония” ёки “гипертоник касаллик” деб номланади.
Иккиламчи артериал гипертензия эса, орган ва тизимларда учрайдиган касаллик ёки патологик жараёнлар билан боғлиқ тарзда юзага чиқади ва қуйидаги касалликларга хос:
а) буйрак касалликлари (гломерулонефрит, пиелонефрит, буйрак поликистози ва бошқалар).
б) буйрак усти бези ўсмалари (феохромоцитома, альдостерома)
в) юрак ва қон томирларни зарарланиши (айрим юрак нуқсонлари, аорта коарктацияси)
г) нерв тизиминининг касалликлари (бульбар полимиелит, энцефалитлар, травмалар, мия чайқалиши ва бошқалар).
Ушбу холатларда гипертензияни келиб чиқиши аниқ, касаллик даволанса, артериал гипертензия ҳам нормаллашади. Барча артериал гипертензияларни яқин 80% бирламчи, 20% ни эса иккиламчи гипертензиялар ташкил қилади, шундан яқин 14% буйрак касалликлари билан боғлиқ бўлади.
Маълумки, артериал босимнинг катталиги, умумий гемодинамик қонунга боғлиқ холда белгиланади. Шунга кўра, артериал гипертензияни учта гемодинамик типи тафовутланади.

1. 
   Гиперкинетик тип. Ушбу типда юракни зўр бериб ишлаши туфайли, унинг минутли ҳажми ортади.
   
2. 
   Эукинетик тип. Ушбу типда юракнинг минутли ҳажми ҳамда қон томирларда периферик қаршилк бироз ортади.
   
3. 
   Гипокинетик тип. Унинг ривожланиши умумий периферик қаршиликни кескин ортиши билан боғлиқдир.