Gimnastika (yakkakurash, koordinatsion va siklik sport turlari)

Musobaqa ishtirokchilarining tarkibi. Bunda ishtirok etayotgan tashkilot nomi va soni, yosh va razryad talablari ko‘rsatiladi. Agar musobaqa uzoq yo‘l bilan bog‘liq bo‘Isa, u holda jamoa, hakamlar, trenerlar, akompaniatorlar va boshqalar soni ko‘rsatiladi. Muso­ baqalarda faqat tibbiy ko‘rikdan o'tgan va vrach ruxsatini olgan gimnastikachilar qatnashadilar.
Musobaqa dasturi. Ko‘p holatlarda musobaqalar klassifikatsiya dasturi bo‘yicha o‘tkaziladi. Bunday paytlarda musobaqa qanday raziyad bo‘yicha o‘tayotganligi, majburiy va erkin dastur soni, final musobaqalarini o‘tkazish (ko‘pkurash yoki alohida turlar bo‘yicha) ko‘rsatiladi. Klassifikatsiyasiz musobaqalar o‘tkazishda dastur tuzilib, nizomga qo‘shib qo‘yiladi, nizomda esa faqat musobaqa o‘tkaziladigan turlar (snaryadlar) ko‘rsatiladi. Shaxsiy va jamoa birinchiliklari tartibi va sharoiti hisobga olinadi. Sinov tizimi mazmuni va g‘oliblami aniqlash tartibi beriladi. Shu bilan birga, jamoaning umumiy tarkibidan sinov ishtirokciiilar sonini

aniqlash zarur. Agar chiqish turli razryad bo‘yicha ruxsat etilsa, unda koeffitsientlar kiritiladi. «1» koeffitsienti kichik razryad uchun, keyingi har bir koeffitsient uchun esa «0,05» ga oshirib borish qabul qilingan. Masalan, musobaqada III, II, I razryad bo‘yicha chiqadigan gimnastikachilar qatnashadilar. Bunday holatlarda III razryad uchun «1» koeffitsienti, II uchun «1,05», I uchun «1,1» bo‘ladi.

Nizomda ishtirokchilar bajargan ballar maksimal ballar haj-mining 80% ini tashkil etsagina koeffitsient qo‘llani]ishi mum-kinligini ko'rsatib o‘tilishi lozim. Bu shart bajarilmagan hollarda ishtirokchilar natijalari koeffitsientsiz sinovga kiradi yoki umuman qabul qilinmaydi (musobaqa tashkilotchilarining hukmiga havola). Jamoa musobaqalarida, jamoa ishtirokchilarining har bir ko‘p-kurash turlaridagi bolalar hajmi bo‘yicha sinovi keng tarqalgan.
Mukofotlash. Musobaqa g‘oliblari medallar, jetonlar, diplom-lar, faxriy yorliqlar, guvohnomalar, bilan taqdirlanishlari mumkin. Agar qaysi bir razryad bo‘yicha shaxsiy birinchilikda bitta gimnastikachi qatnashsa, unda u g‘olib hisoblanmaydi. 80% ball imkoniyatidan kam ball yig‘gan ishtirokchi g‘olib bo‘lmaydi.