Gidrosfera ekologiyasi reja: Suvning inson hayoti va iqtisodiyotidagi ahamiyati Suvning Yer yuzida tarqalishi

2. Suvning yer yuzida tarqalishi. Kishilarning xo’jaligi uchun zarur bo’lgan daryo, ko’l va yer osti suvlar miqdori juda kam. Bu chuchuk suvning mintaqaviy yetishmasligidan tashqari global yetishmaslik havfining vujudga kelishiga sababchidir. Buning ustiga chuchuk daryo suvlari sayyoramiz bo’yicha notekis taqsimlangan.

Suvning asosiy iste’molchilari Osiyo (3140 km. kub yoki umumjahon suv sarfining 60%i), SHimoliy Amerika(796 km kub yoki 15%) va Yevropa(673 km kub yoki 12%) qit’alariga to’g’ri keladi.

Hozirgi paytga kelib jahonda suv hajmi 1 mln. metr kubdan ortiq bo’lgan 30000 yaqin suv omborlari mavjud bo’lib, ularning umumiy suv hajmi 6000 km kubdan ziyodroq (bu 1960 yildagi Orol dengiziga o’xshagan 6 ta suv havzasi demakdir).

Jadval ma’lumotlaridan ko’rinib turibdiki, dunyo aholisining 72 % i yashaydigan Yevroosiyoda umumiy daryo suvining 31 % iga yaqini oqadi. Agar Yevropada jon boshiga yiliga 4,1 ming m kub, Osiyoda 5,0 ming m kub, Afrikada 9,1 ming m kub oqim to’g’ri kelsa, Janubiy Amerikada 34,0 ming m kub oqim to’g’ri keladi. Yer kurrasi bo’yicha esa har bir kishiga yiliga o’rtacha 7,5 ming m kub daryo suvi to’g’ri keladi. Mamlakatlar bo’yicha ham suv resurslari notekis joylashgan. Agar Hindistonda jon boshiga yiliga 2,8 ming m kub to’g’ri kelsa, bu miqdor Norvegiyada - 108,8 ming m kubni tashkil etadi.