Geosiyosat asoslari

Kosmopolitizm - Kosmopolitizm (grekcha kosmopolites - dunyo fuqarosi) - "jahon davlati" tuzishni va "jahon fuqaroligi"ni targ‘ib qiluvchi ta’limot. Kosmopolitizm jahon miqiyosida axborot ayirboshlash imkoniyatlari oshib borayotgan hozirgi davrda Vatan tushunchasi nisbiy xarakterga ega ekanini ro‘kach qiladi. Bu oqim jamiyat taraqqiyotining dastlabki, inson ijtimoiy - oilaviy muhitdan tashqarida yashashi mumkin bo‘lmagan davrlarida vatan tushunchasi muayyan ahamiyatga ega bo‘lmagan, deb uqtiradi. Uningcha, bugungi kunda ayrim insonlarning Vatanga bog‘lanib qolishi shaxs erkinliklarining cheklanishiga olib kelmoqda emish.
Liberalizm - Liberalizm (lotincha liberalis - erkinlik) ijtimoiy hayotning barcha sohalarida erkinlik ustuvor bo‘lishini, jamiyatning evolyutsion rivojlanish yo‘lini e’tirof etuvchi va asoslovchi nazariya, amaliyot, ijtimoiy - siyosiy va mafkuraviy oqim. Liberalizm g‘oyasi, o‘zining ma’no - mohiyatiga ko‘ra, murosa falsafasi bo‘lib, volyuntarizm, sub’yektivizm, dogmatizm, radikalizm va absolyutizmning har qanday ko‘rinishlarini rad qiladi.
Ma’naviy-mafkuraviy jarayonlarning globallashuvi - Milliy bag‘rikenglikni, millat hayotining ahloqiy asoslarini, uning milliy o‘ziga xosligini rad etuvchi mondializm g‘oyalarini tantana qilishini ta’minlashga asoslanadi.
Maastrixt bitimi - 1991 yil dekabrda YEIH ning 12 ta a’zosi tomonidan imzolandi. Yagona Yevropa valyutasi; Yevropa siyosiy ittifoqini shakllantirish; Yevropa komissiyasi tasdiqlash.
Mafkuraviy immunitet - Mafkuraviy immunitet ma’naviy, ma’rifiy, siyosiy, iqtisodiy bilimlarni oddiygina qabul qilib olishini emas, balki ularni ongli ravishda tushunib yetishni, bu bilimlardan zamonaviy ijtimoiy voqealarga mafkuraviy kurashlar voqeligidan kelib chiqib,munosabat bildirish ko‘nikmalarini shakllantirish, ayrim nosog‘lom g‘oyalarga javob berish, uni qabul qilmaslik holatidir.
Makkartizm - Eyzenxauer davrida o‘zgacha fikrlovchilarga qarshi kurash boshlangan edi. Bu kampaniyaga (Amerikaparastlikka qarshi faoliyatni tekshirish bo‘yicha komissiya) Makkarti boshchilik qildi. 1954 yilda qoralandi.
Metapole - Bir vaqtning o‘zida ma’lum bir makonning bir nechta yirik davlatlarning iqtisodiy, siyosiy, mafkuraviy, madaniy siyosati ta’siriga tortilishi.
Mondializm - Konsepsiya “Sovuq urush” tugashi arafasida paydo bo‘ldi. Mondializmning mazmun - mohiyati davlatlar, millatlar, madaniyatlarning turli - tumanligidan planetar miqyosdagi integratsiyaga, One World - Uniform dunyoga o‘tishni targ‘ib qiladi. Mondialistik tashkilotlar - Xalqaro munosabatlar bo‘yicha Sovet, Bilderberg klubi, “Uchtomonlama komissiya” yoki “Trilateral” (Trilateral).