Geosiyosat asoslari

Demarkatsiya - davlatlar o‘rtasidagi chegarani qonunchilik asosida o‘rnatish.
Dissidentlar - Muvofiq bo‘lmagan, boshqacha fikrlovchi. Davlat ichki va tashqi siyosatida davlat nuqtai nazarini yoqlamaydigan, hukmron g‘oyaga qo‘shilmaydigan fuqarolar
Doktrina - Lotincha ta’limot, davlatning ichki va tashki siyosati yo‘nalishini belgilovchi tub qarash va qoidalar tizimi.
Endemik maydon - Uzoq vaqtlardan beri ma’lum bir milliy guruh tomonidan nazorat qilib kelinayotgan borliq bo‘lib, o‘sha borliqning aynan shu jamoaga tegishli ekanligini boshqa milliy jamoalar tomonidan tan olinishini nazarda tutadi. Ba’zan endemik maydon davlatlarning chegaralarini inkor etadi va boshqa geosiyosiy maydonlarni ham o‘z ichiga qamrab oladi.
Yevropa Ittifoqi - 1991 yil dekabrda Maastrixt bitimlari asosida tuzilgan b o‘lib bugungi kunda 28 ta mamlakatni birlashtiruvchi tashkilot. Unda bir tomondan xalqaro tashkilot, ikkinchi tomondan davlat belgilari uchrasada rasmiy ravishda har ikkalasi ham e’tirof etilmaydi. YeI xalqaro huquqning sub’yekti hisoblanmasada xalqaro munosabatlarni belgilashda muhim rol o‘ynaydi. Lekin YeI ning shakllanishi 2-jahon urushidan keyin Yevropa davlatlari oldida turgan turli sohalardagi muammolarni birgalikda xal etishdan boshlandi. 1951 yilda 6 ta davlat- Frantsiya, Italiya, GFR, Belgiya, Niderlandiya, Lyuksemburg ko‘mir va po‘lat boyicha Yevropa uyushmasini (EKPB) tashkil etishdi. Bu Yevropa integratsiyasi yo‘lidagi birinchi qadam edi. YeKPB 1957 yildan Yevropa Iqtisodiy Hamjamiyati deb nom oldi. Maastrixt bitimlari imzolangach yagona valyuta, Yevropa siyosiy ittifoqini shakllantirish, Yevropa komissiyasini tuzishga kelishib olindi. 1993 yil 1 noyabrdan YeI nomini oldi. 1999 yildan yagona valyuta yevroga (naqdsiz hisob) o‘tildi. Rasmiy tili 24 ta. Ma’muriy markazlar: Bryussel, Strasburg, Lyuksemburg, Gaaga, Frankfurt-na-Mayn, rahbar-davlat 2009 yil 1 yanvardan Chexiya. Umumiy maydoni 4 892 685 km² ga teng bo‘lib unda 506.820 mln aholi yashaydi. YaIM 16.1 trillion dollarga teng.