Geosiyosat asoslari

Birlashgan Millatlar Tashkiloti - Yer yuzida tinchlik va xavfsizlikni ta’minlash, davlatlarning millatlarning o‘zaro hamkorligini rivojlantirish maqsadida tuzilgan. BMT faoliyatining muhim yo‘nalishi davlatlar va millatlar o‘rtasidagi nizo hamda ziddiyatlarni faqat tinch yo‘l bilan - muzokaralar orqali xal qilishdan iborat. BMT nizomi 1945 yil San-Fransiskoda ishlab chiqilgan va shu yilning 24 oktabridan kuchga kirgan. BMT o‘z tarkibiga oltita asosiy organ, shuningdek bu organlarga ko‘maklashuvchi qo‘mita va komissiyalardan iborat. Bular: 1) Bosh Assambleya - har yili sentabr oyida chaqiriladi. Unda tashkilotga a‘zo barcha mamlakatlar qatnashadi. 2) Xavfsizlik kengashi - davlatlar o‘rtasidagi tortishuvlar, tajovuz va agressiyaning oldini olish kabi masalalar bilan shug‘ullanadi. 15 ta davlat vakillaridan tashkil topadi. Ulardan 5 tasi doimiy a‘zo. 3) Iqtisodiy va ijtimoiy kengash - xalqaro va ijtimoiy hamkorlik sohalariga oid masalalar bilan shug‘ullanadi. 4) Vasiylik kengashi - tobe hududlar masalalarini nazorat etib boradi. 5) Xalqaro sud 6) BMT Kotibiyati.
O‘zbekiston Respublikasi BMT safiga 1992 yil 2 martda qabul qilingan. 1993 yil fevralda Toshkentda BMT ning vakolatxonasi ochildi. Bugungi kunda BMT ning a‘ozalari soni 193 ga yetdi.
BRIKS - BRIKS (ing. BRICS - Brazil, Russia, India, China, South Africa atamalari qisqartmasi) - Braziliya, Rossiya, Hindiston, Xitoy, Janubiy Afrika respublikasi o‘rtasida tuzilgan. Braziliya qishloq ho‘jaligi mahsulotlariga, Rossiya mineral resurslarga, Hindiston arzon intellektual salohiyatga, Xitoy kuchli ishlab chiqarish bazasiga, JAR tabiiy zahiralarga boy. Ular ushbu salohiyatlaridan unumli foydalanish orqali jahonning kuchli markazlariga qarshi turishga kelishib olishdi. BRIKS davlatlarining ba’zi ko‘rsatkichlar boyicha jahon reytingi:

Kategoriya	Braziliya	Rossiya	Hindiston	Xitoy	JAR
Maydoni	5	1	7	3	25
Aholisi	5	9	2	1	25
Ishchi kuchi	5	7	2	1	34
Oltin zahirasi	7	3	6	1	33
Qurolli kuchlar soni	14	5	3	1	59