Geografiya va tabiiy resurslar fakulteti

Yangi mavzuni mustahkamlash: 1. Kameta deb nimaga aytiladi? 2.Kametalarning dumi bormi?
O’quvchilarni baholash: Darsni yakunlab, faol qatnashganlarni izohlab , adolatli baholash va e’lon qilish
Uyga vazifa berish: Quyosh sitemasidagi boshqa osmon jismlari mavzusini o’ib kelish.
5-sinf uchun Geografiya (Tabiiy geografiyaning boshlang’ich kursi) fanidan “Yerning quyosh atrofida aylanishi” mavzusidagi bir soatlik dars ishlanmasi
Mavzu: Yerning quyosh atrofida aylanishi.
Darsning maqsadi:
a) Ta’limiy: O’quvchilarning dunyoqarashini kengaytirish, mavzu haqida tushuncha berish, boshqa fanlar bilan o’zaro aloqadorlikda o’rgatish.
b) Tarbiyaviy: O’quvchilarni darslikdan tashqari adabiyotlar va internet ma’lumotlarini o’rganishga da’vat etish, o’z maqsadiga erishish ruhida tarbiyalash.
d) Rivojlantiruvchi: BKMlarni rivojlantirish: O’quvchilarni mustaqil fikrlashga o’rgatish, nutq madaniyatini o’stirish, hozirjavoblik, topqirlik xususiyatlarini rivojlantirish.
Darsning turi: yangi tushuncha bilimlarni shakllantiruvchi, umumlashtiruvchi , mustahkamlovchi, ko’nikma va malakalarni tahlil qiluvchi, bilimlarni nazorat qiluvchi
Dars metodi: an’anaviy, zamonaviy, interfaol, aqliy hujum, tarmoqlash, so’zlash, tushuntirish, leksiya suhbat, rasmlardan foydalanish, darslik bilan ishlash, mustaqil ishlash, og’zaki so’rov (individual frontal)
Dars jihozi: didaktik jadval, rasmlar, texnik jihoz va darslik, atlas, xarita
DARSNING BORISHI:
Tashkiliy qism: salomlashish, davomatni aniqlash, darsga tayyorgarlikni nazorat qilish.
O’tilgan mavzuni mustahkamlash: 1. Sutka deb nimaga aytiladi? 2. Yerda nechta geografik qutb bor? 3. Bosh meridian qayerdan o'tkazilgan? 4. Meridianlar va parallellar deganda nimani tushunasiz?
Yangi mavzuni tushuntirish: Yer Quyosh atrofini 365 sutka va 6 soatda bir marta to’liq aylanib chiqadi. Hisobga to’g’ri bo’lsin deb bir yil 365 kun deb qabul qilingan. Shunda har yili 6 soatdan yig’ilib, 4 yilda 24 soat, ya'ni bir sutka bo’ladi. Shuning uchun har uch yildan keyin to’rtinchi yil 366 kun bo’ladi. Bu yil kabisa yili deyiladi. Shu yili fevral oyi 28 kun emas, 29 kun hisoblanadi. Iyun oyida Shimoliy yarimshar Quyoshga ko’proq qarab turadi. 22- iyunni yozgi Quyosh turishi kuni deyiladi. Quyosh ufq ustida eng baland ko’tariladi. Shimoliy yarimsharda yoz, Janubiy yarimsharda esa qish bo’ladi. 21- mart va 23- sentabr kunlari esa Quyosh ikkala yarimsharni bir xilda yoritadi. Bu kunlarni bahorgi va kuzgi teng kunlik deyiladi. 22- dekabrda esa Yer Janubiy yarimshari bilan Quyoshga qarab turadi. Shimoliy yarimsharda kun eng qisqa, tun esa eng uzun bo’ladi. Bu vaqtda Janubiy yarimsharda yoz, Shimoliy yarimsharda esa qish bo’ladi. 22- dekabrni Quyoshning qishki turish kuni deyiladi. Quyosh yozgi turishi kunida Yer yuzining shu kengliklarida tush vaqtida qoq tepa(zenit)ga keladi.