География ва табиий

2-боб хулосаси
Андижон вилояти қишлоқ хўжалиги ишлаб чиқариши анъанавий ҳолда шаклланган бўлиб, бу борада республикамизда ўз ўрнига эга. Мустақилликача асосан пахта етиштирлган бўлса, ундан кейин дон ва сабзавот экинлари майдони ҳам босқичма-босқич кенгайтириб борилди. Бундан ташқари вилоят ҳудуди боғдорчилик учун қулай бўлганлиги сабабли интенсив боғлар ташкил этиляпти. Деҳқончилик деярли барча ҳудудларда интенсив йўналишда олиб борилмоқда. Экстенсив хўжалик асосан яйловлар майдони кўпроқ бўлган ҳудудларда сақланиб қолган.
Шаҳар атрофи ҳудудларида деҳқончилик нисбатан яхши ташкил этилган. Бу борада Андижон, Олтинкўл, Избоскан, Шаҳрихон ва Жалолқудуқ туманли ажралиб туради. Айнан мана шу ҳудудларни сабзавотчиликка ихтисослаштириш мумкин. Шаҳрихон, Улуғнор ва Бўз туманларида полизчиликни ривожлантириш имкониятлари мавжуд. Шаҳрихон, Жалолқудуқ ва Исбоскан туманларида картошкачилик яхши ташкил этилган.
Улуғнор, Хўжаобод, Бўз ва Булоқбоши туманларини чорвачилик маҳсулотлари етиштириладиган ҳудудларга айлантирган маъқул.
Андижон вилояти хўжалигида ҳам мулкчилик ўзгаришлари юз бериб, хусусийлаштиришга кўпроқ эътибор қаратилмоқда. Бундай ташқари қишлоқ хўжалигининг улуши секин-аста камайиб, саноат ва хизмат кўрсатиш соҳаларини ривожлантиришга урғу бериляпти. Бунинг ижобий томонлари билан бирга баъзи жиҳатларини инкор этиб бўлмайди. Бунга мисол қилиб, қишлоқ хўжалигига яроқли ерларнинг бошқа соҳаларга бериб юборилаётганлигини кўрсатиш мумкин. Бундан ташқари ер ресурсларининг механик таркибини ўзгариши, сув ресурсларини ифлосланиши каби салбий жараёнларни ҳам кузатиш мумкин.
Фермер хўжаликлари сонида доимий ўзгаришлар мавжуд бўлиб, бу бевосита унинг самарадорлиги билан боғлиқ. Умуман олганда қишлоқ хўжалиги маҳсулотлари етиштиришда фермер хўжаликларининг улуши пастроқ. Бундан ташқари 2015 йилгача унинг самарадорлиги ҳам қониқарли ҳолатда бўлмаган. Бироқ сўнгги йилларда мазкур мулкчилик шакллари айрим тармоқларда самарадорлигини ошириб бормоқда. Буларга асосан, пахтачилик, интенсив чорвачилик, боғдорчиликни кўрсатиш мумкин.