Гeoгрaфия

Ташкент қаласы 
мемлекет экономикасының түрлі салаларында 
жетекші орынға ие. Атап айтқанда, республикада өндіріліп жатқан 
жалпы ішкі өнімнің ең үлкен бөлігі астананың үлесіне тура келеді.
Астана экономикасының жетекші тармағы саналған өнеркәсіптің 
орны әдеттегідей салмақты болып отыр. Өнеркәсіп кәсіпорындары үлкен 
қуатқа ие болумен қатар өндіріс технологиясы да жоғары. 
Қала энергетикасы Шыршық-Бозсу гидроэлектростанциялар жүйесі 
мен Ташкент ЖЭС-іне сүйенедi. Олар мемлекеттегi бiрыңғай энергетика 
жүйесiне жалғанған. 
Ташкент маңызды көлiк торабы болып табылады. Орталық Азия 
мемлекеттерін басқа мемлекеттермен байланыстыратын темiржол, 
автомобиль жолдары Ташкент арқылы өтедi. Қала айналасындағы 
аудандармен электропойыз арқылы да байланысқан. Ташкент әуе жолы 
арқылы шет мемлекеттердің 40-тан астам қалаларымен байланысқан. 
Қалада 2 темiржол вокзалы, 3 әуежай және метрополитен бар (91-сурет). 
Жалпы ұзындығы 36 км-ден артық болған метрополитен арқылы жылына 
60 млн-нан астам жолаушы тасымалданады.
Ташкент – бүкiл Орталық Азияда ең iрi 
ғылыми-мәдени орталық болып сана лады. 
Ташкентте Өзбекстан Fылымдар академиясы, 
ондаған ғылыми-зерттеу институттары, 
көптеген жоғары оқу орындары бар. Қалада 
заманауи мектеп, академиялық лицей мен 
кәсiптiк-мамандық колледждері, көптеген 
театр мен концерт залдары, цирк, заманауи 
стадион және басқалар бар. Ташкенттің 
ықпалымен, астанаға тұтасқан аудандарда 
урбанизация 
үдерісі жеделдеп отыр.
Урбанизация
– қалалар мен қала халқының өсуі, мемлекет 
өмірінде қалалар рөлінің күшеюі. 
Қазiрде қала ауданы 330 шаршы км-ден артып, Ташкент автомобиль 
айналма жолынан сырттағы аумақтарды да қамтып отыр.
Астананың экономикалық және әлеуметтiк ықпалының негізінде одан 
91-сурет. 
Tашкент 
метрополитені.
http://eduportal.uz

---

119
92-сурет. 
Tашкент агломерациясы.
60–70 км радиустағы аумақ бойымен 10 қала және ондаған қалашықтардан 
құралған