Гeoгрaфия

ФЕРҒАНАНЫҢ ЭКОНОМИКАЛЫҚ АУДАНЫ
Экономикалық орны мен табиғи байлықтары. 
Ферғана экономикалық ауданы әкiмшiлiк жағынан 
Әндiжан, Наманган және Ферғана облыстарынан 
құралған. Бұл экономикалық аудан республика 
аумағының 4 пайызынан астамын алып жатса да, онда 
Өзбекстан халқының 1/3 бөлігі жасайды. Аудан аумағы 
барлық жақтан таулармен оралған.
Пайдалы қазбалардың негізгі бөлігі тауларда 
шоғырланған. Тау араларында Шахимардан, Нанай, 
Қувасай және Касансай секiлдi көркем алқаптар бар. 
Бұл жерлерде демалу үйлерi, шипажайлар және басқа 
саябақтар құрылған. Экономикалық ауданның ең 
төмен жерiнен Сырдария ағып өтедi. Халықтың мың жылдардан бері қолдан 
суарылатын диқаншылықпен шұғылдануынан топырақ пен өсiмдiк дүниесі 
мәдениеттенген. 
Оның аумағында мұнай, газ, күкiрт, қалайы, алтын, мырыш, марганец, 
отқа шыдамды саз, әр түрлі құрылыс материалдары, шипалы сулар табылған. 
Кендердi iске қосу қолайлы. Ұлы Жiбек жолы өткен дәуірлерде ауыл 
шаруашылығы, сауда, қолөнершiлiк жақсы дамыған. XIX ғасырда темiржол 
құрылды. Тәуелсіздік жылдарында экономикалық ауданды мемлекеттің басқа 
аймақтарымен байланыстыратын «Ангрен-Пап» теміржолы құрылды. Бұлар 
оның географиялық орнын жақсарта түстi.
Халқы
. Аудан халқының саны, тығыздығы және жұмысшы күштерiнің 
салмағы жағынан мемлекетіміздің географиялық аудандары арасында бiрiншi 
орында тұрады. Халық, негізінен табиғи көбеюдің есебіне көбеюде. Халықтың 
тез көбеюi мен жаңа игерiлетiн аудандардың шектелгенiнен жұмысшы 
күшiнiң артықшылығы күшейіп баруда. Мұны жою үшiн әлеуметтік сала 
кәсiпорындарын көбейту, көп еңбекті талап ететiн өндiрiстi одан әрі дамыту 
керек. Бұл жерде ірі қала мен қалашықтар, қыстақтар көп. Жұмысшы күшінің 
құрамында кадрлар салмағы басқа аудандарға қарағанда көп. Халық Орталық 
Ферғанада да сирек орналасқан. Ауданда урбанизация дәрежесі жоғары, 
халықтың 58 пайызы қалаларда жасайды.