Geografiya

Sharqiy iqtisodiy rayon tarkibida Berlin, Brandenburg, Saksoniya Respublikasi va Tyurgeniya Respublikasi yerlari kiradi. Iqtisodiy rayon ijtimoiy-iqtisodiy rivojlanish darajasiga kо‘ra boshqa iqtisodiy rayonlardan ancha orqada. Shuning uchun 90-yillardan boshlab sharqiy iqtisodiy rayon xо‘jaligini rivojlantirish yuzasidan federal hukumat tomonidan bir qator iqtisodiy, ijtimoiy va moliyaviy dasturlar, yangi raqobatbardosh ishlab chiqarish tizimlari va xizmatlarni, yuqori ishlab chiqarish munosabatlarini shakllantirish tadbirlari amalga oshirilmoqda.

Iqtisodiy rayondagi Berlin-mamlakat poytaxti, yirik sanoat, madaniyat, moliya markazi va transport tuguni. Mashinasozlik, metallni qayta ishlash, elektrotexnika va elektronika, kimyo, yengil va oziq-ovqat sanoati rivojlanib bormoqda. Iqtisodiy rayon xо‘jalik tarkibi jiddiy о‘zgarmoqda. Zamonaviy ishlab chiqarish tizimlari va xizmatlar yuzasiga kelmoqda. Potsdam, Brandenburg, Shvedt, Magdeburg, Galle, Drezden, Erfurt, Gera, Yena, Veymar va boshqa shaharlar nafaqat sanoat markazlari, balki nemis adabiyoti, san’ati va yodgorliklari shaharlari hamdir. Qishloq xо‘jaligida donli ekinlar (bug‘doy), qand – lavlagi, kartoshka-sabzavot-bog‘dorchilik, sut-gо‘sht chorvachiligi va chо‘chqachilik yetakchi о‘rin tutadi.