Geografiya

G‘arbiy Germaniya makroiqtisodiy rayoni tarkibida Baden-Vyurtemberg yeri, Bavariya Respublikasi, Brem va Gamburg shaharlari, Gessen, Quyi Saksoniya, shimoliy Reyn-Vestfaliya, Reynland-Pfals, Saar, Saksoniya-Angalt, Shlezvig-Golshteyn yerlari kiradi. Hududi 248 ming km² bо‘lib, 65,7 mln aholi yashaydi. Iqtisodiy jihatdan g‘oyat rivojlangan va urbanizatsiyalashgan mintaqa. Sanoatda metallurgiya, mashinasozlik va metallni qayta ishlash, kimyo, elektronika sohalari yetakchi rol о‘ynaydi. G‘arbiy maroiqtisodiy rayon bugungi Germaniyaning asosiy industrial yadrosi sifatida yuksak malakali ishchilar tо‘planganligi hamda urbanizatsiyalashganligi bilan ajralib turadi. Ishlab chiqarish konsentratsiyasi va kapital markazlashuvi jihatdan G‘arbiy Yevropadagina emas, balki dunyo mintaqalari о‘rtasida ham yetakchi mavqega ega.

Makroiqtisodiy rayonda qora va rangli metallurgiya, mashinasozlik va metallni qayta ishlash, elektrotexnika va elektronika, kimyo, neft-kimyo, yengil (tо‘qimachilik va tikuvchilik) va oziq-ovqat sanoati, intensiv sut-gо‘sht chorvachiligi va dehqonchilik rivojlangan.