Geografiya fanidan

O’tkazish qoidalari.
1. Aniq vaqtda o’quvchilar topshiriq yoki masaladagi rollarni ijro etishlari lozim.
2. Rol o’ynalishiga ko’ra o’yin paytida sodir bo’lganlarni tahlil qilib chiqish va muhokama qilish imkoniyatiga ega bo’lishlari lozim.
3. Rolli o’yinda ishtirok etmagan o’quvchilar kuzatuvchilar sifatida ishga solinishi yoki yordamchi rollarni ijro etishi lozim.


Kichik guruhlarda ishlash

Kichik guruhlarda ishlash uslubiyati ta’lim berish jarayonida ta’lim oluvchilarni maksimal faollashtirish maqsadiga egadir.

Kichik guruhlarda ishlash asosida alohida masalalar yuzasidan o’z fikrini ishlab chiqqan holda uni guruhda muhokama qilishga va har xil fikrlar asosida mushtarak nuqtai nazarga kelishga o’rganadilar.
Bundan tashqari, o’quvchi spiker sifatida nutq so’zlashi va katta auditoriya ko’z oldida guruh nuqtai nazarini isbotlashi kerak bo’lganda, auditoriya oldida so’zlash malakasi ham vujudga keladi.
Kichik guruhlarda ishlashni o’tkazish uslubiyati.
1. Topshiriq, chalkash masala asosida muammo tanlab olinadi.
2. Kichik guruhlarda o’quvchilarning soni 3-5 tadan oshmasligi kerak.
Kichik guruhlarda ishtirokchilar o’rtasida vazifalar taqsimlanadi. Masalan: bir o’quvchi munozara yuritadi, ikkinchisi qabul qilinuvchi qarorni yozib boradi, uchinchi o’quvchi vaqtni nazorat qilib boradi va hokazo.
3. Guruh topshiriqni tushunmagan taqdirda o’qituvchi topshiriqni tushuntirishi kerak.
4. Vaqt doirasi imkoniyat bersa, guruhlar bir-birlariga savollar beradilar.
5. Taqdimot natijalari yuzasidan muhokama va baholash o’tkaziladi.
Kichik guruhlarda ishlashni o’tkazish qoidalari.
1. Kichik guruhlarda ishlash uchun belgilangan vaqt reglamentiga aniq rioya etish lozim.
2. Zarur bo’lib qolgan taqdirda bayon etilgan fikrga tuzatishlar kiritish kerakki, bu narsa g’oya yoki tuzatishlar kiritish kerakki, bu narsa g’oya yoki fikrni aniq-raso qisqacha ifodalash imkonini beradi.

Debatlar

Debatlar – o’z nuqtai nazarini asoslashda sinfdagi barcha o’quvchilarning bahslashuvda faol ishtirok etishini ta’minlovchi o’qitish uslubidir. Bu uslubdan foydalanish tanqidiy tafakkurni rivojlantiradi. O’quvchilar o’z nuqtai nazarini ishlab chiqishi, uni taqdim etishi va himoya qilishi, so’ngra raqib nuqtai nazarini rad etishi kerak. Bahs haqiqatni yuzaga keltirgani bois o’qituvchi sinfni ikki guruhga bo’lgan holda munozarani atayin avj oldiradi. (guruhlarga bir-biriga zid nuqtai nazarlarni aytadi, bahsli topshiriqlar beradi)