Geoekologiyа fanidan O’quv-uslubiy majmua

Nazorat savollari:

1. 
   Geoekologiya nimani o’rganadi?
   

2. Geoekologiyaning tadqiqot ob’ektini ta’riflang, landshaftning uchta asosiy xususiyatini tushuntiring.
3. Geoekologiya landshaftlarning qaysi xususiyatlarini o’rganadi?
4. Geografik ekologiya o’rganadigan tabiat jarayonlari nimalardan iborat?
5. Tirik va notirik tabiat o’rtasidagi o’zaro munosabatlar to’g’risida nimalarni bilasiz?
6. Landshaftda modda va energiya migratsiyasi jarayoni va uning ahamiyatini tushuntirib bering.
7. Sizningcha «tabiat - jamiyat» tizimida geoekologiyaning o’rni nimalardan iborat bo’lishi lozim?

Quyidagi ilmiy tayanch atama, ibora va tushunchalarni izoxlang.
Tabiatda o’zaro bog’liqlik, ta’sir va harakat jarayoni, tabiiy komplekslarning ekologik vaziyatdagi axboroti, ekologik hodisalar miqyosi, ekologik resurs va barqarorlik potentsiallari, landshaft va ekologik taxlil, ekologik jarayonlar tizimi, ekologik muvozanat, ikkilamchi muvozanat, o’simlik bilan abiotik omil o’rtasida o’zaro ta’sir, relef bilan organizmlar o’rtasida o’zaro ta’sir, landshaft va suv omili ta’siri, litosferada moddalar migratsiyasi, deflyatsiya jarayonida moddalar almashuvi, landshaftda energiya almashuvi.
Mavzu: Geoekologiyaning rivojlanish tarixi va hozirgi holati
Mavzu quyidagi reja asosida yoritiladi:
1. Geoekologiyaning shakillanishi va rivojlanishi
2. Geoekologiyaning bo’linmalari
3. Geografik ekologiyaning tadqiqot jarayonlari to’g’risida tushuncha.
4. Biotik va abiotik tabiat komponentlarining o’zaro munosabatlarini ilmiy asoslash.
5. Landshaftda modda va energiya migratsiyasi hodisalarini ilmiy asoslash.
Geografik ekologiyaning tadqiqot ob’ekti. Hududda ekologik jarayon turli miqyos va o’lchamlardagi joylarda sodir bo’ladi, buning maydoni yuz berayotgan hodisaning katta-kichikligi yoki masshtabiga bog’liq. Bu borada nuqtali, maxalliy, hududiy va sayyoraviy miqyosdagi ekologik hodisalarni ajratish qabul qilingan. Geoekologik tadqiqotlarda ko’pincha nuqtali va maxalliy miqyosdagi ekologik hodisa hamda jaraenlarni o’rganish keng tarqalgan. Chunki bu miqyosda yuz berayotgan tabiiy jarayonlarni dala sharoitida to’g’ridan-to’g’ri bevosita o’rganish imkoniyatlari mavjud. Taxlil natijasida erishilgan ilmiy xulosalar asosida yirikroq hudud bo’yicha jamlama (integral) ma’lumotlar yig’iladi.