Геоахборот тизимларининг тузилиши 3 та блокдан иборат: Киритиш блоки

4.3. МАЪЛУМОТЛАРНИ ЧИҚАРИШ, ЧОП ЭТИШ ТЕХНИК ВОСИТАЛАРИ
Монитор. Маълумотларни компьютер экранида тасвирловчи қурилма.
Консрукцияси бўйича электр-нурли трубкали дисплей, суюқ-кристалли дисплей, плазмали дисплейларга бўлинади. Тасвирлаш режимига кўра:
алфавит-рақамли, график, вектор кўринишда бўлади. Ранг бўйича: монохромли (оқ-қора) ва рангли бўлади. Экран ўлчами унинг диогали бўйича 14” дан 21” гача ўлчанади.
Тасвир аниқлиги қуйидагиларга боғлиқ:
• пикселлар ўлчамига (пикселлар орасидаги масофа). Бу масофа одатда 0,25-0,32 мм ни ташкил этади, лекин энг мақули 0,19 мм.
• Частоталарнинг горизонтал ва вертикал бўйича ёйилиш диопазонига.
Принтерлар – матнли ёки график кўринишидаги маълумотларни қоғозга чоп этувчи қурилмадир.
Электрон ёзув машинкаларининг биринчи модели 1960 йилда жорий қилинган. Булар АРЧҚ – Алфавит-рақамли чоп этиш қурилмасидир.
Улардан ҳозирда фойдаланилмайди. Матрицали принтерлар жорий этила бошлаганидан кейин (1970 й.) принтерлар қурилмаларига талаб кучайди
Принтерларнинг қуйидаги турлари мавжуд: матрицали-игнали принтерлар, пурковчи, лазерли.
Барча принтерлар матнли маълумотни, кўпчилиги эса расм ва графикларни ҳам қоғозга чиқаради. Рангли тасвирларни чиқарувчи махсус принтерлар ҳам бор. Принтерларнинг қуйидаги турлари мавжуд: матритсали, ва лазерли.
Матрицали-игнали принтерлар яқин вақтларгача кенг тарқалган принтерлардан бири эди. Бу принтернинг ёзиш каллагида вертикал тартибда игналар жойлашган. Каллак ёзув сатри бўйлаб харакатланади ва игналар керакли дақиқада бўялган лента орқали қоғозга ўрилади. Натижада қоғозда белги ёки тасвир пайдо бўлади.
Игналар сонига қараб бу принтерлар бир неча турларга бўлинади: 9 игнали, 24 игнали, 48 игнали.
• 9 игнали принтерда ёзув сифати пастроқ. Сифатни ошириш учун ёзишни 2 ёки 4 юришда бажариш керак.
• 24 игнали принтер сифатли ва тезроқ ишлайди.
• 48 игналиси ёзувни жуда сифатли чиқаради.
Матрицали-игнали принтерлар тезлиги бир бет учун 10 секунддан 60 секундгача.
Пурковчи принтерда тасвир қоғозга махсус қурилма орқали пуркаладиган сиёх томчиларидан юзага келади.
Пурковчи рангли принтер сифати лазерли принтерга яқин, нархи арзон ва шовкинсиз ишлайди. Шунинг учун хозирги кунда кўпчилик ундан фойдаланяпти. Тезлиги бир бет учун 15 дан 100 секундгача.
Лазерли принтерлар матнларни босмахона сифати даражасига яқин даражада чоп этишни таъминлайди. У ишлаш нуқтаи назаридан нусха кўчирувчи ксероксга яқин. Бунда фақат босувчи барабан компютер буйруғи ёрдамида электрланади. Буёқ доначалари зарбланиб барабанга ёпишади ва тасвир ҳосил бўлади. Тезлиги бир бет матн учун 3 дан 15 секундгача. Расм учун кўпроқ, катта расмлар учун 3 минутгача вақт талаб қилади. Ҳозирги кунда минутига 15—40 бетгача чоп этадиган лазерли принтерлар бор.