Genetikadan masala ishlash

Noallel genlar o‘zaro ta’sirining epistatik tipi.

Dominantlik deyilganda bir genga tegishli bir allelning boshqa alleli ustidan ustunlik qilish holatiga aytiladi. A>a, B>b, C>c. Ammo o‘zaro ta’sir degan jarayon ham borki, bunda bir genning alleli boshqa bir gen allelining faoliyatini bosib turadi, masalan: A>B yoki a>b yoki b>A. Bunday dominantlik hodisasi epistaz deb ataladi. Boshqa genlarning faoliyatini bosib turuvchi genlar supressor yoki ingibitorlar deb ataladi. Ular yo dominant, yoki retsessiv bo‘ladilar. Supressor genlarning dominant allellari I yoki Su simvollari bilan, ularning retsessiv allellari esa i yoki su bilan belgilanadi. Epistazning ikki tipi - dominant va retsessiv epistazlar farqlantiriladi.