Genetikadan masala ishlash

223-masala*. 84000 tup javdar o‘simligining 210 tupi aa genotipli albinos o‘simliklardan tashkil topgan bo‘lsa, A va a allellar hamda geterozigotali o‘simliklarning chastotalarini aniqlang.

Masala shartiga ko‘ra, retsessiv gomozigotali individlarning genotipi aa (q²) ma’lum. Bu erda a allelining (q) chastotasini topamiz. aa genotipining uchrash chastotasini aa (q²) birliklar bilan ifodalaymiz. Buning uchun barcha o‘simliklar sonini 1 ga teng deb olamiz, ya’ni 84000 = 1. U holda aa (q²) genotipning chastotasi: q² = 210 : 84000 = 0,0025; a allelining chastotasi

q = √q² =√0,0025 = 0,05

p + q = 1 formulasidan foydalanib, A allelining (p) chastotasini aniqlaymiz: p = 1 – q = 1 – 0,05 = 0,95

Geterozigotali o‘simliklarning uchrash chastotasi Aa = 2 pq = 2 (0,95 x 0,05) = 0,095.