Геморрагик диатезлар. Тромбоцитопениялар: иммун ва ноиммун турлари

Этиотроп ва симптоматик даволаш.

Кейинги вақтларда тромбоцитопеник пурпурани даволаш мақсадида даназол (андроген хусусиятли синтетик препарат), интерферон препаратлари (реаферон, интронА, роферонА) қўлланилмоқда. Лекин уларнинг ижобий самараси турғун эмас.
Кучли қон кетиш жараёнларида геморрагик синдромни бартараф этиш мақсадида Гемостатик (аминокапрон кислотасини 0,1 г/кг миқдорда) ичиш учун ёки вена ичига юбориш тавсия қилинади (гематурияда ман қилинади). Шунингдек гемостатик препаратлардан этамзилат 5 мг/кг/сут дозада ичишга ёки вена ичига томчи ҳолида қўлланилади.
Бурундан қон кетишини тўхтатиш мақсадида гемостатик препаратлар (водород пероксиди, адреналин ёки аминокапрон кислотаси шимдирилган тампон, бундан ташқари гемостатик губка, фибринли, желатинли плёнкалардан) фойдаланилади.
Тромбоцитопеник пурпурада постгеморагик анемияни даволаш учун қон ҳосил бўлишини рағбатлантирувчи препаратлар қўлланилади. Чунки бу касалликда қон яратиш тизимининг регенератор хусусияти бузилмаган бўлади. Кучли ифодаланган ўткир анемияларда эса ювилган эритроцитларни қуйиш масаласига индивидуал ёндошилади.

11. 
    Даволаш самарадорлигини баҳолаш мезонлари:
    

Даволаш самарадорлиги дастлабки 1,3,6,12 ой, кейинчалик бир йилда 1 марта ўтказилиб туриладиган таҳлил натижаларига қараб баҳоланади.

• 
  Тўлиқ ремиссия:
  

Тромбоцитлар миқдори >100,0 х 10⁹/л, Геморрагик синдромнинг йўқлиги.

• 
  Қисман ремиссия:
  

Тромбоцитлар миқдори > 40,0х10⁹/л, аҳён аҳёнда терида геморрагик тошмаларнинг намоён бўлиши

• 
  Давонинг самарасизлиги:
  

Тромбоцитлар миқдори < 20,0х10⁹/л, геморрагияларнинг тезтез кузатилиши
12.Профилактикаси
Бирламчи профилактикаси ишлаб чиқилмаган. Иккиламчи профилактикаси эса касаллик қайталанишини олдини олишга қаратилган. Тромбоцитопеник пурпурада эмлашлар ўтказилиш масаласига индивидуал ёндошилиб ниҳоятда эҳтиёт бўлмоқ лозим. Мактаб ўқувчилари жисмоний тарбия дарсларидан озод қилинадилар. Офтоб уришидан сақланиш тавсия этилади. Геморрагик синдромнинг олдини олиш мақсадида беморлар тромбоцитлар агрегациясини сусайтирувчи препаратларни қабул қилишдан қочишлари лозим (масалан, салицилатлар, индометацин, барбитуратлар, кофеин, карбенициллин, нитрофуранлар ва бошқ.).
Касалхонадан чиқарилгандан кейин беморлар 5 йил давомида диспансер кузатувида бўладилар. Ҳар ойда (ремиссия сақланиб турилганда) қон таҳлили ўтказилиб тромбоцитлар миқдори аниқланиб турилиши лозим. Шунингдек ҳар қандай касалликни бошидан ўтказгандан кейин хам албатта қон таҳлилини амалга ошириш шарт.