G. S. Tursinbayeva, G. M. Duschanova, J. S. Sadinov

159-rasm. Apokarp mevalar xillari: 
1-2-bargak (piyon), 3-dukkak (burchoq), 4-kо‘p yong‘oqcha (lotos),
5-6-kо‘p danakli (malina, qulupnay), 7-8-danak (olxо‘ri, olcha).
 
299

---

Kо‘pincha urug‘chi barglar bir-biri bilan tutashib murakkab bargli 
mevani hosil qiladi (magnoliya, pion). Evolyutsiya jarayonida kо‘p 
bargchali murakkab mevalardan, urug‘ch barglarning reduksiya-
lanishidan bargcha kelib chiqqan. Bitta urug‘chi bargdan hosil bо‘lgan 
bir chanoqli mevg bargcha, bargak yoki monokarp meva deb ataladi. 
Bunday mevalar kelib chiqishi jihatidan juda ham soddadir. 
Bargakda mevaning ochilishi uning ustki о‘ng tomonidan bо‘ladi. Bu 
xildagi mevalar ayiqtovondoshlar oilasida qazilma holda topilgan eng 
qadimgi о‘simliklardan Degeneriafla ya’ni isfara о‘simligida 
aniqlangan. Bargakning maxsus moslashishidan bitta meva bargchaga 
ega bо‘lgan bir xonali quruq meva – dukkak kelib chiqqan. Dukkak 
ochilish xususiyati bilan bargchadan farq qiladi. Dukkakning ochilishi 
uchidan tubigacha ikki tomonidan qorni va orqa chokidan yorilib 
ochiladi. Bunday meva xili kapalakguldoshlar, sezalpindoshlar, 
mimozadoshlarga xos belgidir (159-rasm). 
Nihoyat, bargchadan mezokarpning 
sukkulentlanishi 
(lot sukkus – 
shira, sukkulentu s – shirali), endokarpiyning yog‘ochlanishi va 
urug‘larning kamayishi natijasida danakli mevalar kelib chiqqan. 
Danakli mevalarning aksariyati bir xonali, bir urug‘lidir (olcha, gilos. 
olxо‘ri, о‘rik, bodom), kо‘p danaklilarga dо‘lana, ituzum misol bо‘la 
oladi. 
Danakli mevalar ustki tugunchadan paydo bо‘ladi. Bir uyli danakli 
mevalarning yoni qattiq yog‘ochsimon, meva ichi (danagi) kо‘pincha 
sersuv (olxо‘ri, olcha, о‘rik, shaftoli) yoki quruq (bodom, yong‘oq) 
tolasimon (kokos palmasi) va boshqalar bо‘lishi mumkin.
Kо‘p uyli danakli murakkab mevalar ra’nodoshlar oilasining 
(malina xо‘jag‘at, maymunjon, parmachak) vakillarida uchraydi. 
Bularning shirador danakchali mevasi gul о‘rnidan hosil bо‘ladi. Har 
qaysi danakcha etli shirador mezokarp va toshga о‘xshash qattiq 
endokarpdan iborat bо‘lib, uning ichida faqat bitta urug‘ joylashadi. 
Maymunjonning mevasi pishgandan keyin qavarib chiqqan gul 
о‘rnidan osongina ajraladi, xо‘jag‘atniki esa gul о‘rni bilan uziladi.