G‘. N. Mahmudov

1600 bar
 gacha oshirilishi; 

 
purkash daqiqasini ma’lum doirada o‘zgartirish imkoniyatining mavjudligi; 

 
yonilg‘ini dastlabki va qo‘shimcha purkalishini ta’minlanishi; 

 
dvigatelning  ishlash  sharoitlariga  ko‘ra,  yonilg‘i  purkash  bosimini 
230...1600 bar
 doirasida rostlash mumkinligi. 

---

 
277 
Akkumulatorli  purkash  tizimini  joriy  qilinishi  solishtirma  quvvatni  oshirish, 
yonilg‘i  sarfini  kamaytirish,  hamda  shovqin  darajasi  va  chiqindi  gazlarning 
toksinligini pasaytirish uchun yaxshi zamin yaratdi. 
Common Rail akkumulator tizimi quyidagilardan tashkil topgan (6.26-rasm). 

 
Past bosim konturi (yonilg‘i baki 1, filtr 2, past bosim nasosi 3); 

 
Yuqori  bosim  konturi  (yuqori  bosim  nasosi  4,  yuqori  bosimli  yonilg‘i 
akkumulatori 7, forsunkalar 8 , yuqori bosim quvurlari) 

 
Elektron  boshqarish  tizimi  (elektron  boshqarish  bloki  11,  datchiklar  10, 
ijrochi mexanizmlar 9) 

 
Havo uzatish va chiqindi gazlarni chiqarib yuborish tizimlari 
Akkumulatorli  purkash  tizimning    muhim  elementlaridan  biri  –  tezkor 
harakatlanuvchi  elektromagnit  klapanli  forsunkadir.  U  purkagichni  ochish  va 
yopish hisobiga yonilg‘ini har bir silindrga purkash jarayonini rostlaydi. 
Hamma  forsunkalar  yuqori  bosimli  yonilg‘i  akkumulatoriga  ulangan. 
Common Rail
 akkumulatorli purkash tizimining modul ko‘rinishida yasalishi, uni 
muayyan dvigatelga moslashuvini  yengillashtiradi. 
Akkumulatorli yonilg‘i purkash tizimining ishlashi, yuqori bosim hosil qilish 
va  yonilg‘ini  purkalishini  ta’minlash  jarayonlarini  bir-biridan  ajratilganligiga 
asoslangan.  Dizelning  elektron  bloki  motorning  hamma  elementlarini  alohida 
boshqaradi.  Yuritmani  dizeldan  oladigan  yuqori  bosim  nasosi  (YUBN)  4  tirsakli 
valning  aylanish  chastotasi  va  yonilg‘i  sarfiga  bog‘liq  bo‘lmagan  holda  uzluksiz 
ishlab,  yonilg‘i  akkumulatori  7  da  ma’lum  o‘zgarmas  bosim  hosil  qiladi.  Bu, 
Common  Rail  tizimiga  taalluqli  yuqori  bosim  nasosini,  an’anaviy  tizimlardagi 
6.26 – rasm. 
Common Rail
 purkash tizimi 
1-yonilg‘i  baki;  2-filtr;  3-  past  bosimli  yonilg‘i  nasosi;  4-  yuqori  bosimli    yonilg‘i 
nasosi; 5- reduktsiya klapani; 6- bosim datchigi; 7 – yonilg‘i to‘plagich (akkumulator); 
8-  forsunkalar;  9  –  EBB  dan  ijrochi  mexanizmlarga  uzatiladigan  signallar;  10- 
datchiklardan EBB ga uzatiladigan signallar; 11- EBB 

---

 
278 
nasoslarga  nisbatan  ancha    ravon,    burovchi  momenti  va  unumdorligi  keskin 
o‘zgarishlarsiz ishlashini ta’minlaydi. 
Yonilg‘i  bosimini  o‘zgarmas  holda  saqlab  turish  uchun  maxsus  bosim 
rostlash  klapani  ko‘zda  tutilgan.  Akkumulator  7  da  to‘plangan  yuqori  bosim 
ostidagi yonilg‘i purkashga tayyor holda bo‘ladi. 
Akkumulatordan  qisqa  quvurlar  orqali  forsunkalarga  uzatilgan  yonilg‘i 
bevosita dvigatel silindrlarinng yonish kamerasiga purkaladi. Forsunka purkagich 
va  tez  ishlovchi  elektromagnit  klapandan  tashkil  topgan.  Elektromagnit  klapan, 
mexanik  yuritma  orqali,  elektron  blokdan  kelgan  signal  asosida  purkagich  ishini 
boshqaradi. 
Purkalanayotgan  yonilg‘i  miqdori  elektromagnit  klapanning  ochilish 
davomiyligiga  proporsional  bo‘lib,  tirsakli  valning  aylanishlar  chastotasiga 
bog‘liq bo‘lmaydi.