G‘. N. Mahmudov

2.7. Ishga  tushirish  tizimining  texnikaviy  qarovi 
 
   Zamonaviy  avtomobillarga  o‘rnatilayotgan  startyorlar  ancha  yuqori 
ishonchlilik darajasiga ega va ular texnikaviy qarov va rostlash ishlarini ko‘p talab 
qilmaydi. 
   Avtomobilda  ikkinchi  texnik  xizmat  (TXK-2)  o‘tkazilayotganda  startyor 
zanjiridagi hamma kontaktlarni tekshirish zarur. Avtomobil 40000 km yurgandan 
keyin  startyorni  echib,  quyidagi  ishlarni  amalga  oshirish  tavsiya  qilinadi:  yakor 
valining  bo‘ylama  tirqishini  va  cho‘tkalar  tutqichlarda  erkin  harakat  qilishini 
tekshirish;  cho‘tkalarning  eyilganlik  darajasini  ko‘rish,  zarurat  bo‘yicha  ularni 
almashtirish;  dinamometr  yordamida  cho‘tka  prujinalarining  bosim  kuchini 
o‘lchash; yuritma mexanizmining ishlashini tekshirish. 
   Startyor    yechilib,  qismlarga  ajratilgandan  so‘ng  uyg‘otish  va  yakor 
chulg‘amlari,  kollektor,  podshipniklar  va  tortish  relesi  holatlari  aniqlanadi. 
Startyor  qayta  yig‘ilgandan  keyin  uning  ishga  yaroqligi  maxsus  qurilmalarda 
(Э211, 532M) salt ishlash va to‘la tormozlanish rejimlarida tekshiriladi. 
   Salt ishlash rejimida tekshirilganda startyorning aylanishlar chastotasi 
 n 
 va 
iste’mol  toki   
I
0
 
  qiymatlari  o‘lchanadi.  Olingan  tajriba  ma’lumotlari,  aynan 
tekshirilayotgan  turdagi  startyorlar  uchun  belgilangan  ko‘rsatkichlar  bilan 
taqqoslanadi.  Startyorni  salt  ishlaganda  tekshirib,    ta’mirdan  keyingi  yig‘ilish 
sifati  va      mexanik      nosozliklari      aniqlanadi.  Nosozliklar    mavjudligi  (  yakor 
valining podshipniklarda qiyinlik bilan aylanishi va hokazo) salt rejimda iste’mol 

---

 
124 
tokining  belgilangan  qiymatdan  ortib  ketishiga  va  yakor  aylanishlar  chastotasini 
esa kamayib ketishiga olib keladi. 
   To‘la  tormozlanish  rejimida  startyorning  avj  oldirgan  maksimal  moment  
M
max
 
, qisqa tutashish toki  
I
qt
 
va uning qisqichlaridagi kuchlanish 
U
st
 o‘lchanadi. 
Bu parametrlarga ko‘ra, startyorning elektr va  magnit zanjirlari holati aniqlanadi. 
Masalan,  cho‘tkalar  va  kollektor  orasidagi  kontakt  yaxshi  emasligi  iste’mol  toki 
va  aylantiruvchi  moment  qiymatini  me’yordagidan    kamayishiga  olib  keladi. 
Yakor  chulg‘amlarini  startyor  qobig‘iga  (ya’ni 

massaga

)    tutashuvi  yoki  
uyg‘otish  chulg‘amlaridagi qisqa tutashuv iste’mol tokini keskin ortib ketishiga, 
burovchi  momentni  esa  kamayishiga  olib  keladi.  Startyor  qisqichlaridagi 
kuchlanishning    tavsifnomasidagi  qiymatidan  kamligi  akkumulator-startyor 
zanjirida yoki akkumulatorning o‘zida nosozlik mavjudligidan darak beradi. 
   Startyorni  salt   
va  to‘la  tormozlanish  rejimlarida  tekshirganda 
akkumulatorlar batareyasi  ishga  yaroqli  va kamida 75%  ga zaryadlangan  bo‘lishi 
kerak. 
   Startyorni  avtomobildan    echmasdan  turib  ishga    yaroqligini    tekshirish 
uchun    kesim  yuzi  katta  bo‘lgan  sim  bilan  tortish  relesidagi  kontakt  boltlarini 
o‘zaro  tutashtirish  kerak.  Elektrodvigatelning  aylanishi  uning  ishga 
yaroqliligining  belgisidir.  Tortish  relesini  tekshirish  uchun  uni  chulg‘amlarining 
umumiy  chiqish  simini  bevosita  akkumulatorlar  batareyasining  musbat  qutbiga 
ulanadi.  O‘t  oldirish  kaliti  va  uning  zanjiri  qo‘shimcha  rele  chulg‘amlarini 
bevosita akkumulatorga ulash yo‘li bilan tekshiriladi.