G‘. M. Milliy iqtisodiyotda axborot tizimlar va texnologiyalar

Iqtisodiy axborot tizimlarini boshqaruv darajasida bo‘lgan turlari

Boshqarishning barcha darajalari hamma vazifali tizimlardan ma’lumotlarni talab qiladi.

Tezkor darajani axborot tizimlari

Tezkor darajadagi axborot tizimlari korxona va tashqi muhit o‘rtasidagi aloqa vazifasini bajaradi. Tezkor darajadagi axborot tizimlarining quyidagi namunalarini keltirish mumkin:

• 
  buxgalteriya hisobi;
  
• 
  bank depozitlari;
  
• 
  ishlov berish buyrug‘i;
  
• 
  aviachiptalarni ro‘yxatdan o‘tkazish va h.k .
  

Mutaxassislarni axborot tizimlari. Axborot tizimlarining vazifasi

• 
  yangi axborotlarni tashkilotlarga integratsiyalash va qog‘oz hujjatlarini qayta ishlashda ko‘maklashishdir. Bugungi kunda bunday tizimlar biznesda eng tez rivojlanmoqda. Axborot tizimlarining ushbu sinfini ikki guruhga ajratish mumkin:
  

• 
  Ofislarni avtomatlashtirish axborot tizimlari;
  
• 
  Bilimlarni qayta ishlash uchun axborot tizimlari.
  

Ofisni avtomatlashtirish axborot tizimlari quyidagi vazifalarni bajaradi:

• 
  Turli xil matn protsessorlardan foydalangan holda kompyuterda matnlarni qayta ishlash;
  
• 
  Yuqori sifatli bosma mahsulotlarni ishlab chiqarish;
  
• 
  Hujjatlarni arxivlashtirish;
  
• 
  Ishbilarmon ma’lumotlarini saqlash uchun elektron kalendarlar va yozma daftarchalar bilan foydalanish;
  
• 
  Elektron va audio pochta;
  
• 
  Video va tele-konferensiyalar.
  

Odatda ular o‘rta darajali mutaxassislar tomonidan qo‘llaniladi: buxgalterlar, kotiblar, referentlar. Asosiy maqsad – ma’lumotlarni qayta ishlash, ularning ish samaradorligini oshirish va ish yuritish ishlarini soddalashtirish.
Axborotni qayta ishlash bo‘yicha bilim tizimlari, jumladan, ekspertlar tizimi yangi axborotli mahsulot ishlab chiqishda yoki yaratishda muhandislar, advokatlar va olimlar tomonidan zarur bo‘lgan bilimlarni oladi.