G‘. M. Milliy iqtisodiyotda axborot tizimlar va texnologiyalar

Konfidensial axborotni ruxsat etilmagan kirishdan himoyalash. Bu kompyuter steganografiyasini ishlatish sohasi konfidensial axborotni himoyalash muammosini yechishda eng samaralidir. Masalan, tovushning eng kam ahamiyatli kichik razryadlari yashiriladigan xabarga almashtiriladi. Bunday o‘zgarish ko‘pchilik tomonidan tovushli xabarni eshitish paytida sezilmaydi.
Monitoring va tarmoq zaxiralarini boshqarish tizimlarini yengish. Sanoat shpionaji tizimlarining monitoring va tarmoq zaxiralarini boshqarish harakatlariga qarshi yo‘naltirilgan steganografik usullar lokal va global kompyuter tarmoqlari serverlaridan axborotning o‘tishida nazorat o‘rnatish harakatlariga qarshi turishga imkon beradi.
Dasturiy ta’minotni niqoblash. Kompyuter steganografiyasining hozirgi vaqtda ishlatiladigan boshqa bir sohasi dasturiy ta’minotni niqoblashdir. Qachonki, dasturiy ta’minotni qayd qilinmagan foydalanuvchilar tomonidan ishlatililishi o‘rinsiz bo‘lsa, u standart universal dastur mahsulotlari (masalan, matnli muharrirlar) ostiga niqoblanishi yoki multimedia fayllariga (masalan, kompyuter o‘yinlarining musiqiy ilovasi) yashirilishi mumkin.
Mualliflik huquqlarini himoyalash. Steganografiyani ishlatilishining yana bir sohasi bo‘lib mualliflik huquqlarini himoyalash hisoblanadi. Kompyuterli grafik tasvirlarga maxsus belgi qo‘yiladi va u ko‘zga ko‘rinmay qoladi, lekin maxsus dasturiy ta’minot bilan aniqlanadi. Bunday dastur mahsuloti allaqachon ba’zi jurnallarning kompyuter versiyalarida ishlatilayapti. Steganografiyaning ushbu yo‘nalishi nafaqat tasvirlarni, balki audio va videoaxborotni ham qayta ishlashga mo‘ljallangan. Bundan tashqari uning intellektual egalikka himoyani ta’minlash vazifasi ham mavjud. Hozirgi vaqtda kompyuter steganografiyasi usullari ikki asosiy yo‘nalish bo‘yicha rivojlanmoqda :

• 
  kompyuter formatlarining maxsus xossalarini ishlatishga asoslangan usullar.
  
• 
  audio va vizual axborotlarning serobligiga asoslangan usullar.