Г. И. Мухамедов 2021 йил Тошкент вилояти Чирчиқ давлат педагогика институти ҳузуридаги dsc

Педагогика фанлари доктори, доцент А.К.РАХИМОВ: 1. Мустақил таълим ҳозирги кредит модуль тизимида ҳам энг асосий қаратилган эътибор, 50% мустақил таълимга ажратилган. Бу 50% аудиториядан ташқари вақт тўғрими? Ҳамма таълим йўналишларида буни самарали ташкил этиш энг катта муаммолардан бири ҳисобланади. Табиий фанлар таълим йўналиши талабалари учун мустақил таълимни ташкил этишга мобил тизим бўйича фойдаланишга қандай тавсиялар бера оласиз?
2. Авторефератингизнинг 18-саҳифасида тажриба синов ўтказилганда атиги биттагина жадвал бергансиз. Аниқлаштириб айтингчи, сиз нималарни мақсад қилиб ўргандингиз ва қандай асосда баҳоладингиз?
Тадқиқотчи А.Р.САТТАРОВ:: Раҳмат устоз саволларингиз учун.
Биринчи саволга жавоб: Юқорида турли хил мобил ўқитиш тизимлари методлари келтирилган эди. Уларни нафақат информатика ўқитиш методикаси йўналиши талабалари учун, балки ихтиёрий йўналиш талабалари учун ҳам қўллаш мумкин, шу жумладан табиий фанлар йўналишлари учун ҳам. Маълумки, ҳозирги кунда деярли ҳар бир талабанинг қўлида мобил қурилмалар мавжуд. Улардан фойдаланиш, масалан, мобил сўровнома методи талабалардан тезкорлик билан ўрганилган материалларни қанчалик тушунарли бўлганлигини тезкорлик билан аниқлаш имкониятини беради. Ёки Булутли тадқиқот методини олайлик. Бу метод талабаларга булутли серверларда сақланадиган маълумотлар билан ишлаш имкониятини беради. Mobile searching методи. Бу методни ҳар бир талаба ишлатади десак муболаға бўлмайди. Уни таълим жараёнида қўллаш мобил қурилмалардан фойдаланишнинг фойдалилик томонини оширади деб ишонч билан айтиш мумкин. Интерактив видео методи эса талабаларга дарсда ва дарсдан ташқари мустақил таълим вақтида маълумотларни олишни, бунинг натижасида юқори самарадорликка эришиш мумкин. Яъни бу методнинг фойдалилиги шундаки, видеонинг ихтиёрий жойида тўхтатиб қўйиб ўқитувчи ўзининг саволларини жойлаштириш мумкин, яъни видеони фақат кўриш эмас, ундаги жараёнларни тушуниб мос жавобни бера олишни талаб қилади. Ўқитувчи эса қайси талаба қайси саволларга тўғри жавоб бера олганлигини ихтиёрий вақти текшириб бориши мумкин бўлади.