G. Gutlyýew Awtomatlaşdyrylan taslama düzmegiň ulgamlary Системы Автоматизированного проектирования

4.1 -nji tablisa

Girizmegiň tertibi	Klawişler
Ýokardan -aşak	Enter
Aşakdan - ýokary	Shift + Enter
Çepden - saga	Tab
Sagdan - çepe	Shift + Tab

Öýjükleriň diapazonyna birmeňzeş maglumatlary ýa-da formulalary çalt girizmek üçin doldurma markeri (tapawutlandyrylan öýjügiň aşaky sag burçundaky +) ulanylýar. Doldurma markeriniň kömegi bilen, aktiw öýjügiň bahasyny artdyryp, hatary ýa-da sütüni döretmek mümkin. Elektron tablisanyň öýjügine hemişelik bahalary (san, sene we wagt, tekst maglumatlarynyň dürli formatlary) ýa-da formulalary (operandlary öýjükleriň adresleri, funksiýalar we ş.m.-ler bolan matematiki aňlatmalar) girizmek mümkindir.

Täze iş listiniň hemme öýjükleri san formatynda kesgitlenýärler. Sanlar :maksimal –mümkin takyklykda bitin sanlar (426) ; onluk droblar (4,26) ; 4,26 E+12 ýaly eksponensial sanlar görnüşinde aňladylyp bilinerler.

MS Excel girizilen maglumatlara dogry formaty awtomatiki kabul etdirýär. Meselem , eger 15% girizilen bolsa, onda öýjügiň formaty göterimli bolar.

Senäniň we wagtyň birnäçe formatlary bardyr, emma hemme seneler sanlaryň yzygiderligi , wagtlar bolsa – onluk droblar görnüşinde saklanýarlar. Senäniň we wagtyň üstünde arifmetiki amallary ýerine ýetirmek bolýar.

Tekst islendik simwollar ýa-da sanlaryň we simwollaryň erkin utgaşmalary arkaly aňladylyp bilner. Öýjüge 255-e çenli simwollary girizmek bolar.

Formulalaryň kömegi bilen maglumatlaryň we funksýalaryň üstünde goşmak , köpeltmek , deňeşdirme ýaly dürli amallary ýerine ýetirmek bolar. Formulalary girizmek elmidama “=” belgisi bilen başlanýar . Formulalara mysallar:

1.