Furqat indd

Yusupov FURQAT
...tarjimon
Barchaga ma’lum, “Portu”, “Chelsi”, “Inter” klublarining sobiq, 
“Real”ning amaldagi bosh murabbiyi Joze Mourino faoliyatini tarji-
mon sifatida boshlagan
...ota
O‘tmish futbolining eng taniqli yulduzlaridan biri, jahonning ikki 
karra chempioni - braziliyalik Garrincha zurriyoti sifatida 14 nafar 
bola rasman tan olingan. Ularning dastlabki 11 nafari qiz bo‘lgan.
...aktyor
“MYu” afsonalaridan biri Erik Kantona futbolchilik faoliyatiga 
nuqta qo‘ygach, o‘zini bir qator filmlarda sinab ko‘rdi. Xususan, 
“Erikka qarab” kartinasidagi roli kinotanqidchilarda ham iliq 
taassurot uyg‘otdi. 1999-yili suratga olingan va Sheyk-xar Kapur 
rejissyorlik qilgan “Elizabet” seriali futbolchi uchun tajriba maktabini 
o‘tadi. Kantona shuningdek, Parij teatrlaridan birida Face au Paradis 
nomli spektaklda ham rol ijro etgan.
...“sotqin”
Luish Figuning “Barselona”dan “Real”ga o‘tishi uni sotqinlarning 
buyugiga aylantirdi. “El-klassiko” bahslarining birida kataloniyalik 
muxlis Luishning yuziga Portugaliya bayrog‘i va cho‘chqa boshini 
irg‘itdi. Ha, ishqibozlar sotqinlikni aslo kechirishmaydi.

---

371
FUTBOL FALSAFASI
SUARESNING TELBALIKLARI
Urugvay terma jamoasi hujumchisi Suares so‘nggi 2 oy mobayni-
da karikaturachilarning asosiy “nishoni”ga aylandi. Ya’ni hujum-
chi futbolga g‘alati uslubini joriy qildi. U ko‘ziga yomon ko‘ringan 
raqib larini chalib yiqitishi yoki musht urib qulatishdan ko‘ra, tishlab 
olishni afzal biladi. Suaresning 4 ta telbaliklari haqida so‘z yurita-
miz.
1. Suarsening ilk katta telbaligi 2010-yilda “Ayaks”da to‘p 
surayotgan kezida PSVga qarshi o‘yinda ro‘y berdi. Suares ushbu 
o‘yinda juda ham ko‘p asabiylashdi. Ikkinchi bo‘limda uni hattoki 
maydon chetlatishlari ham mumkin edi. PSVning yetakchi futbol-
chisi Afellay Luis bilan “to‘qnashib” ketganidan so‘ng ajoyib tarz-
da qulatildi. Aslida hech qanday “kontakt” bo‘lmagandi. Hayri-
yat, hakam ham vaziyatni to‘g‘ri baholay oldi. Aks holda hujumchi 
o‘yinni barvaqt yakunlashi mumkin edi. 80-daqiqada esa Suares 
maydon markazidan shunday kuchli zarba yo‘lladiki, Isaakson jid-
diy jarohat olish evaziga to‘pni qaytarishga muvaffaq bo‘ldi. Aosisy 
voqea qo‘shimcha vaqtda yuz berdi. Voqea joyiga oshiqqan Suares 
Ottman Bakkalga yaqinlashdi va uning yelkasini tishlab oldi. G‘ayri
-
tabiiy tajovuzdan o‘zini yo‘qotib qo‘ygan Bakkal uchrashuv haka-
miga maykasi ostidagi qon tomchilarini ko‘rsatdi. Oqibatda “Ayaks” 
rahbariyati Suaresni 2 ta o‘yinga diskalifikatsiya qildi. Shuningdek 
jarimaga ham tortdi. 4 kundan keyin esa, Gollandiya futbol fede-
ratsiyasi hujumchining tajovuzkor harakatini qoralab, 7 ta o‘yinda 
maydonga tushmasligini ma’lum qildi.
2. 2011-yilning qishida Suares “Liverpul” safida “Manchester 
Yunayted”ga qarshi uchrashuvda maydonga tushdi. O‘yin vaqtida 
u mehmonlar himoyachisi Patris Evraga nisbatan “negro” so‘zini 
ishlatgan. U o‘zini oqlash uchun qilgan ma’ruzasida Urugvayda bu 

---

372