Fuqaro himoyasi

Qisman sanitariya ishlovi Aholi o'rtasidagi qisman sanitariya ishlovi o'z - o'ziga va o'zaro yordam tarzida, shuningdek sanitariya postlari va drujinalari tomonidan o'tkaziladi.
RM bilan zararlanganda qisman sanitariya ishlovi dastlab zararlangan territoriyada radioaktiv changlarni kiyim boshdan qoqib tashlash, poyabzal va himoya vositalarini supurib tashlash yo'li bilan o'tkazishi mumkin. Bunda protivogazni (respiratorni) yechish mumkin emas.
Zararlangan joylardan chiqqan zahoti sinchiklab tozalash ishlari amalaga oshiriladi. Protivogazni yechmay turib, radioaktiv changni supurib tashlash yoki qoqib tashlash zarur. Buning uchun plashch, palьto yeki boshqa ustki kiyimni sekin yechiladi va ularni RM-dan qoqib va uchragan narsalar (o't tutami, daraxt shoxlari, latta) bilan supurib tashlab tozalanadi. Ammo o'zini va atrofdagilarni changda qoldirmaslik kerak, ya'ni shamol esayotgan tomonga teskari turish kerak. Protivogaz va poyabzalni yuz qismi artiladi.
SHundan keyin protivogaz (respirator) yechiladi, qul toza suv bilan sovunlab yuviladi, so'ng yuz, buyin, quloqning ichi, bosh yuviladi. Burunni yaxshilab qoqib tashlab, og'iz va dimog'ni chayish zarur. Toza suv bo'lmasa, tananing ochiq joylari suv, qor yoki SF-2/SF-2U eritmasida ho'llangan latta bilan artiladi. Uzoq vaqt nurlanib turishdan va terini nur kuydirishidan saqlanish uchun qisman maxsus tozalashni tezroq o'tkazish zarur.
ZM-dan zararlanganda qisman sanitariya ishlovi tezda, zararlangan hududning o'zidayoq o'tkazilishi zarur, bu yerdan chiqqandan so'ng qayta o'tkazish ham mumkin. Ishlovni kechiktirish ZM-ning teridan ichkarga singib o'tishiga va odam og'ir zaharlanishiga olib kelishi mumkinQisman sanitariya ishlovi kimyoviy moddalarga qarshi shaxsiy paket (IGSH) yordamida o'tkaziladi. U bo'lmaganida tanani ochiq joylarini mavjud vositalar: DTS-GK yoki xlorli ohak eritmasi, xloraminning suvdagi eritmasi yoki dixloraminning suv-spirtdagi eritmasi bilan tozalash zarur. Toza suv bilan sovunlab yuvish, qor bilan tozalash ham mumkin.Hamma kiyim ZM bug'ini va aerozollarni shimib olganligi sababli zararlangan joydan chiqqandan keyin kiyimlarni almashtirish kerak (juda bo'lmasa ustki kiyimni), tananing ochiq joylarini tozalab, keyin protivogazni yechish mumkin.Bakterial aerozolladan zararlanganda, tananing ochiq joylari, himoya vositalari, kiyimlar va poyabzal dezinfektsiyalovchi eritmalarda ho'llangan latta bilan artiladi ( xloraminning 2 %-li eritmasi yoki DTS-KG). To'la sanitariya ishlovidan o'tilmaguncha protivogaz va respiratorni yechish mumkin emas.
Sanitar drujinasining shaxsiy sostavi zararlangalar va yaradorlarga birinchi tibbiy yordami ko'rsatganda, ularni qisman maxsus ishlovdan ham o'tkazadilar, xuddi shunday ishlov zararlangan hududdan evakuatsiya qilingandan keyin yeki OPM-da o'tkaziladi.
To'la sanitariya ishlovi.
Fuqarolarni to'la sanitariya ishlovidan o'tkazish maxsus jihozlangan statsionar yuvuvchi punktlarda (SYuP), hammomlarda, dushlarda, sanpro pusnikda tashkil etiladi. Bundan tashqari, sanitariya ishlovi punkti ochiladi, unda odamlarni dushda yuvintirish uchun dezinfektsiyalovchi dush qurilmasidan (DDA) va pritsepidan (DDP) foydalaniladi.
DDA odamlarni dushda issiq suv va sovun bilan boshdan - oyoq yuvinib, kiyim - bosh, poyabzal, shaxsiy himoya vositalari va boshqa yumshoq predmetlarni dezinfektsiyalab, to'la sanitariya ishlovidan o'tkazishga mo'ljallangan. DDA-da bir vaqtda 24 kishi yuvinishi mumkin. Bir soat ichida 40 - 70 kishiga xizmat qila oladi, kiyimlarni dezinfektsiya qilmaganda esa 60 - 90 kishiga xizmat qiladi.
DDP-ning xizmat kuchi DDA-dan ikki marta kam.
Yuvuvchi punktlarida qo'yidagilar ochiladi: 1) sanpropusnik; 2) kiyim -bosh va poyabzalni dezaktivatsiyalovchi maydoncha; 3) ZM va bakteriologik vositalardan zararlangan kiyim - bosh va poyabzalni tozalash uchun maydoncha.
Sanpropusnik uch xonadan iborat: yechinish, yuvinish va kiyinish xonalari. Dushdan chiqaverishda DP-5A asbobi bilan dozimetrchi turadi. U tanani dozimetrik nazoratdan o'tkazadi. Agar tananing ba'zi joylarida radioaktiv zararlanish darajasi yo'l qo'yish mumkin bo'lgan darajadan yuqori bo'lsa, u kishi qaytadan yuvinishga yuboriladi.
Zararlanganlar va yaradorlar OPM-da yoki shahardan tashqaridagi kasalxonalarda to'la sanitariya ishlovidan o'tkaziladi. Bu yerda sanpropusnik yoki xuddi shu sxemadagi alohida maxsus tozalash xonasi tashkil etiladi. U fuqarolarni ishlovdan o'tkazish uchun ham ishlatiladi. Yechinish, dush, kiyinish va dezaktivatsiyalovchi maydonchadan iborat bo'lgan sanpropusnik ochiladi.
Echinish xonasida zararlanganlarning kiyim - boshi yechib olinib, zararsizlantirish uchun yuboriladi. Yaralarga odatdagi bog'ichdan tashqari, polietilen bog'ich ham qo'yiladi. Kiyim - boshni dezaktivatsiyalash dezaktivatsiya mydonchasida, dezinfektsiya DDA-da yoki bug'-formalin kameralarida o'tkaziladi.