Fuqaro himoyasi

5. Yadroviy shikastlanish o'chog'ida QTBI.
Yadroviy qurol qo'llanilganda hosil bo'lgan yadroviy shikastlanish o'chog'ida QBTI asosan kuchli va o'rtacha vayronagarchilik zonalarida olib boriladi. Birinchi navbatda radiatsion razvedka ishlari olib boriladi
Yadroviy shikastlangan o'chokda qolgan odamlarni qutqarish va boshqa qutqaruv ishlarini bajarish uchun birinchi navbatda, shikastlangan inshootlar, himoya inshootlariga boradigan yo'l, yo'laklarni ochish va tozalash ishlari amalga oshiriladi.
Buning uchun bir tomonlama harakatlanuvchi yo'llar 3 - 3,5 m kenglikda, ikki tomonlama harakatlanuvchi yo'llar esa 6 - 6,5 m kengliqda tozalanadi va ochiladi. Bunday yo'llarda har 150 - 200 m. ga 15 - 20 m uzunlikdagi raz'ezdlar qo'yiladi. Yo'l va yo'laklarni tozalashda barcha mexanizmlar (bulьdozer, kranlar va boshqalar) bilan ish ko'rilib, yong'inga qarshi tuzilmalar ham birgalikda harakatlanib, yonayotgan inshootlarni o'chiradi.
Keyin buzilgan binolar, yer ostida qolgan odamlar va yong'in chiqqan uyda qolib ketgan fuqarolarni qutqarish harbiylashgan fuqaro himoyasi qismlari hamda tuzilmalari tomonidan amalga oshiriladi, bunda ishga yaroqli fuqarolar ham ishtirok etadi. Buning uchun darhol razvedka ma'lumotlariga qarab inshootlarda qolgan odamlar bilan turli xil uslublar orqali aloqa bog'lanadi. Masalan, havo kiradigan teshiklar, devor, eshik, suv va issiqlik ta'minoti trubalarini tiqqilatish orqali aloqa bog'lanadi. Yer ostidagi, himoya inshootlaridagi odamlarni qutqarishdan oldin unga havo beriladi. Buning uchun havo beruvchi teshiklar tozalanadi yoki devorlarda teshik hosil qilinadi.
Boshpanalarni ochish usullari, uning tuzilishiga va shikastlanish darajasiga qarab tanlanadi. Ya'ni inshootning chidamliligi, yon tomondanmi, qo'shimcha eshik tomoni ochiladimi, devorlari teshilib yo'lakcha hosil qilinadimi yoki boshqa yo'llar taeorlanadimi, bular o'sha inshootning ahvolidan kelib chiqqan hodda tanlanadi. Keyin shu inshootlardagi odamlar qutqarilib, ularga tibbiy yordam ko'rsatiladi.