Funksional ovqatlanish uchun chilonjiyda mevasidan foydalanish

Mikroelementlar. Mikroelementlar oziq-ovqat tarkibida oz miqdorda mavjud bo’lgan, ko’pincha minerallar va vitaminlar sifatida ko’rsatiladigan muhim moddalardir. Mikroelementlar sog’lom o'sish va rivojlanish uchun yordam beradigan hamda kasalliklarning oldini olish uchun muhim elementlardir. Tadqiqotlar shuni ko’rsatadiki, chilonjiyda mevalari vitaminlar, makroelementlar (N, K, Mg, Ca, P) va mikroelementlarga (Fe, Mn, Cu, Zn) boy meva hisoblanadi. Xitoy qishki chilonjiyda mevalari tarkibida C vitaminining miqdori taxminan 379,4 mg/100 g ni tashkil etganligi, bu olma bilan taqqoslaganda taxminan 80-100 baravar yuqori ekanligi urganilgan. Bundan tashqari, chilonjiyda mevalarida fosfor, kaliy, kalsiy, magniy, temir, marganets, mis, rux va natriy mos ravishda o'rtacha 34,2, 298, 15,2, 14,7, 1,99, 0,16, 0,073, 0,16 va 15,2 mg/100 g miqdorni tashkil etadi.