Фуқароларнинг ўзини ўзи бошқариш органларида иш юритишни ташкил этиш”

2-мавзу. Давлат бошқаруви органлари тизими
Маъруза режаси:
2.1. Давлат бошқаруви органлари йўналишлари.
2.2. Давлат бошқаруви органлари турлари.
2.3. Фуқароларнинг ўзини ўзи бошқариш органлари фаолияти
нинг асосий тамойиллари.


Мавзу бўйича таянч сўзлар ва иборалар


Бошқарув органи – бу бирор бир бошқарув тизими таркибига кирувчи муассаса, ташкилотдир. Бошқарув органлари бошқарув бўғинлари ва бошқарув босқичлари шаклида бўлади.
Бошқариш бўғини – бу бошқаришнинг айрим ёки қатор функцияларини бажарувчи мустақил структурали бўлимлардир. Бу бўлимлар ўртасидаги боғланиш ва алоқалар горизонтал характерга эга.
Бошқариш босқичи – бу иерархиянинг муайян даражасида амал қиладиган бўғиндир.
Бошқарувнинг умумдавлат органлари – Республика миқиёсидаги олий ваколатли органлар бўлиб, таркиби – Қонун чиқарувчи – Олий Мажлис, Ижро этувчи – Вазирлар Маҳкамаси, Суд – Олий, Конститутциявий, Ҳўжалик судларидан иборат.


2.1. Давлат бошқаруви органлари йўналишлари

Бошқаришнинг у ёки бу вазифаларини ҳал этиш учун муайян органлар тузилади.Бошқариш органлари тизими, қуйи органларнинг юқори органларга бўйсиниши ва улар ўртасидаги ўзаро алоқа бошқариш структураси тушунчасини ташкил қилади. Шу маънода орган – бу бирор бир бошқарув тизими таркибига кирувчи муассаса, ташкилотдир. Бошқарув органлари бошқарув бўғинлари ва бошқарув босқичлари шаклида бўлади.

Бошқариш бўғини – бу бошқаришнинг айрим ёки қатор функцияларини бажарувчи мустақил структурали бўлимлардир.Бу бўлимлар ўртасидаги боғланиш ва алоқалар горизонтал характерга эга.
Бошқариш босқичи – бу иерархиянинг муайян даражасида амал қиладиган бўғиндир. Масалан:

Вазирлик бирлашма корхона цех участка

Бошқариш босқичлари бир бошқариш бўғининиг иккинчисига, қуйи бўғиннинг юқори бўғинга изчиллик билан бўйсинишини кўрсатади. Бу вертикал бўйича бўлинишдир.