«Фуқаролар учун бюджет»

Қарзга хизмат кўрсатиш – қарз (қарзлар) бўйича қарз мажбуриятларини, шу жумладан, қарздорликнинг асосий қисми, фоизлар, воситачилик ҳақи ва жарималарни тўлаш бўйича мажбуриятни узиш учун умумий тўловлардир.
Бюджет маблағларини олувчи – Давлат бюджетидан ва давлат мақсадли жамғармалари бюджетларидан маблағлар олувчи юридик ёки жисмоний шахсдир.

Дастурли бюджетлаштириш – истиқболли давлат дастурларини ҳисобга олган ҳолда, стратегик мақсадлар асосида ишлаб чиқиладиган дастурларни амалга ошириш натижалари билан давлат харажатларини тақсимлаш жараёнининг боғлиқлигини таъминловчи бюджетни шакллантириш, ижро этиш ва ижросини назорат қилиш методологияси.
Биринчи даражали бюджет маблағларини тақсимловчи — Ўзбекистон Республикасининг республика бюджетидан қонун билан белгиланган миқдорда ажратиладиган бюджет маблағларини тақсимловчи юридик шахс.
Иккинчидаражалибюджетмаблағларини тақсимловчи — Ўзбекистон Республикаси Вазирлар Маҳкамаси томонидан биринчи даражали бюджет маблағларини тақсимловчиларга бириктириладиган ва ўзига ажратиладиган бюджет маблағларини тақсимловчи юридик шахс.
Республика бюджети – Давлат бюджетининг умумдавлат тусидаги тадбирларни молиялаштиришда фойдаланиладиган қисми бўлиб, унда даромадлар манбалари ва уларга тушумлар миқдори, шунингдек, молия йили мобайнидаги маблағлар сарфи йўналишлари ва миқдори назарда тутилади.
Харажатлар сметаси – бюджет ташкилоти ёки бюджет маблағларини олувчи томонидан молия йили учун тузиладиган, назарда тутилган бюджетдан ажратиладиган маблағларнинг харажатлар моддалари бўйича акс эттириладиган ҳужжатдир.
Ўрта муддатли бюджет мўлжаллари – асосий макроиқтисодий кўрсаткичларни ва бюджетнинг агрегацияланган параметрлари лойиҳаини, функционал тасниф бўйича харажатлар лимитларини, хавф-хатарларни ва уларни бошқариш чора-тадбирларини ўз ичига олувчи 3 йилга мўлжалланган молиявий ҳужжат (режа).