Frazeologik birikmalarning stilistik xususiyatlari. Nurbek Ismoilov, magistrant

e) nafratlanish, jirkanish semali frazeologik birikmalar: “ko‘rgani ko‘zi, ottani o‘qi yo‘q”; “ishingni qil”; “toshingni ter”; “ichingda it o‘lganmi”; “ikkalasi bir go‘r” kabilar;

f) tahdid semali frazeologik birikmalar: “ichagingni salla qilib qo‘yaman”; “jonini ko‘ziga ko‘rsatmoq”; “jonini olmoq” va hokazo.

Xuddi shuningdek, “ko‘zi o‘ynaydi”, “og‘zi ochilib qolmoq”, “yoqasini ushlamoq”, “hang-mang bo‘lib qolmoq”, “o‘zini qo‘yarga joy topolmaslik”, “miyasi g‘ovlab ketmoq,” “yetti uxlab tushiga kirmaslik”, “ko‘zi olma-kesak termoq” kabi frazeologik birikmalar ham hayratlanish, taajjublanish ottenkalarnni ifodalaydi.

Yuqorida ta’kidlanganidek, frazeologik birikmalar stilistik ma’nosining ikkinchi komponenti uning funksional-uslubiy bo‘yog‘idir. Funksional-uslubiy bo‘yoq frazeologik birikmaning qo‘llanishini muayyan nutqiy doiralarda, uslublarda chegaralaydi. Ko‘pincha frazeologik birikma u yoki - bu realiyani, hodisani ifodalab, baholabgina qolmay, muayyan nutq, uslubi haqida signal beradi.

Ko‘rinadiki, iboralar uslubiy ma’nosining ikki komponenti o‘rtasidagi aloqa xilma-xildir. Shunga ko‘ra, iboraning funksional uslubiy xoslanishini belgilashda uning ekspressiv-baho bo‘yog‘i har doim ham asosiy mezon bo‘la olmaydi.

Adabiyotlar

1. 
   Азнаурова Э.С. Очерки по стилистике слова.-Тошкент: Фан.1973. 406 б.
   
2. 
   Арнольд И.В. Стилистика современного английского языка. -М.: Просвещение. 1990. 300 б.
   
3. 
   Винокур Т.Г. Закономерности стилистического использования языковых единиц. -М.: Наука. 1980. 238 б.
   
4. 
   Винокур Т.Г. О содержании некоторых стилистических понятий // Стилистические исследования.-М.: 1972. 7-106-бетлар.
   
5. 
   Проблемы фразеологии (исследования и материалы). -М.-Л.: Наука. 1964. 320 б.
   
6. 
   Шмелев Д.Н. Проблемы семантического анализа лексики. -М. Наука. 1973. 280 б.
   
7. 
   Языковая номинация (общие вопросы). -М: Наука. 1977. 359 б.
   
8. 
   Қиличев Э. Бадиий тасвирнинг лексик воситалари. -Тошкент: Фан. 1982.88 б.